السلام عليكم
اول شي حبيت اعتب على بعض الاخوان من نقدهم الجارح للفنان ، فاي كان هالنقد فلازم يكون بناء اكثر من انه جارح !
ثاني شي بالنسبه للفنان عبدالعزيز عبدالمسلم ، بالعكس اشوفه فنان موهوب ويمتاز بموهبه حلوة وجميلة ،،
يكفي انه مسلسلاته الصراحه الوحيده اللي مافيها لقطات واسمحولي اقولها بكل صراحه ،، قلة ادب بالكامل ،،
المسلم الفنان الوحيد اللي شخصيا احسه متمسك بالفن القديم لكن يضيف عليه نكهات حلوة ،،
عيبه انه يسوي ويؤدي نفس الفكرة اكثر من مرة ، يعني عتيج الصوف - فريج صويح ,,,, نفس الفكرة ونفس الديكورات ونفس الابطال تقريبا ، وهذا غلط !
المسرحيات الرعب عموما ، اعتقد اخذ حقه الحين وصارت فكرة قديمه ولازم يلقى فكرة يديده ، لانه طبيعه المشاهد يحب شي يديد فكرة يديده ،،، اكثر المسرحيات اللي عجبتني اهي ينانوه الفريج على ما اعتقد اسمها ، التمثيل جيد بس قصته فعلا شدتني وشدني قوة القصه مع الاحداث ،،،
امنيتي انه المسلم يغير من اسلوبه وطريقته بالضحك ويغير من اسلوب المسرحي والقصص اللي سبق وشفناها ويبتعد عن شخصيه عبيد ... لانه خلاص احس الشخصيه صارت قديمه وخذت حقها بالكامل !
|