استاذ / احمد سامي
انا عارف ان قناه الوطن قناه غير رسميه في الكويت وانها سبق وان عملت مشاكل قبل زي ماحصل مع المغرب ولنفس المسلسل الكارتوني
بس الاهانه الموجهه لمصر المه دي متعمده من المسلسل والاهانه اقوي من اللي وجهت للمغرب والامارات وقطر
الموقف دلوقتي في ايد وزير الخارجيه المصري (احمد ابو الغيط) عشان ياخد موقف رسمي من (القناه) يمثل المصريين عشان بجد القناه دي لازملها وقفه واحنا وان كنا في عصر حريه الاعلام والفضائيات المفتوحه ، بس للاسف فيه ناس مش عارفه تفرق بين الحريه وقله الادب
طبعا سوابق ابو الغيط تخلينا كمصريين مش متفائلين انه ياخد الموقف ده ، بس ادينا مستنيين نشوف
مع كامل الاحترام للشعب الكويتي الشقيق اللي ميتحملش مسؤوليه اعمال القناه الهابطه دي