[سوالف بنت]

المسلسل له ايجابيات وسلبيات
ايجابياته ***
الشخصيات: كانت رائعه من ثنيان العود لين ثنيان الصغير يعني تحس انهم ناس طبيعين فيهم الخير والشر يعني احنا تعودنا بمسلسلاتنا الخليجيه الطيب طول المسلسل طيب ومتسامح لحد السذاجه والشرير شرير لين تصيبه جلطه بالحلقه الاخيره
الحوار: بعضه طبعا مو كله كان حوار بسيط تلقاه بكل بيت يعني مثلا لما يتكلمون عن كشخه الحريم ويتكلمون عن الاكلات وعن شيطانه عيالهم واحيانا كان الحوار تحسه حكمه وشي يضيئ لك جانب مظلم مأنتبهت له
الاداء : كل الاممثلين كانوا رائعين خصوصا سعاد شجون وخالد امين ومرام كل كل العيله
السلبيات ***
المبالغه المفرطه:يعني كل الاحداث صدف وكل الاحداث تصير بنفس الوقت والخيانه الجماعيه حتى السواق خاين
الجرأه : اكثر كلمه انقالت بهالمسلسل حقي الشرعي كزوج هاذا غير الطامه الكبرى مشهد الاصنصير ومشهد البلام وملاك
الاخطاء الاخراجيه ؛ مثل الصوت بعض الحوارات مأسمعها وبعض الاحداث غير معقوله اول ماتشوف اللقطه تقول من وين جا هاذا وكيف جا يعني بعض الاحداث تحس مالها تفسير او مبرر
واكبر مشكله انزعج منها الجمهور انهم يقولون ان المسلسل اساء للعائله الخليجيه والكويتيه خصوصا وانا اقول ان شعب الخليج والكويت شعب لاتهز صورته مسلسل ابدا لانه شعب معروف بدون شهاده احد
واعتقد ان الكاتبه لم يكن قصدها الاساءه بل قصدها جمع كل المشاكل ووضعها في عائله واحده
وللامانه انا من متابعين هاذا المسلسل وشكرا