الموضوع مش فكره النقد ومصريين اللي ينقدو او لا
بس الحلقه تجاوزت فكره النقد او عرض الواقع الي التجريح المتعمد والاهانه في المصريين
1- لما بطله المسلسل بتقول لجوزها (انت بتتجوز علي مصريه ؟ وفلاحه كمان ؟)
وكان المصريين شعب نجس او شعب من شعوب ادغال افريقيا مثلا
2- لما بتقول للمصريه انت مش مستحميه وبتحميها
3- اللمز والغمز واضح في الحلقه علي المصريين وتمثيل المصريين علي انهم متسولين وعايشين في احياء شعبيه ومعندهمش كرامه
ايوه طبعا فيه شريحه كبيره من المصريين تحت خط الفقر وعايشين في عشوائيات ومساكن فقيره .. وفيه من المصريين اللي معندهمش كرامه ولما بيلاقو السايح الخليجي بينافقوه عشان ياخدو منه اي فلوس
بس ده لان مصر فيها 80 مليون مصري .. متفاوتين في العادات والطبايع والاخلاق والملامح والجانب المادي والاجتماعي
ومصر برده فيها المثقفين والمتعلمين والشباب والدكاتره والمهندسين والفنانين وغيرهم