عندي نقطتين تسمحولي اذكرهم واناقشكم فيهم .. اذا مافيها كلافه على الجميع .
اولا ً صاحب الموضوع يطلب بأن يتوقف الفنان طارق العلي من عرض اعماله ! ويتوقف عن الفن !
كلامك تاج على الراس ياخوي .. ولكن هل انت صحفي فني متمرس ؟ ام ناقد فني ؟ او شنو رتبتك الفنيه
انا وانت وغيرنا والأغلبيه نعتبر من الجمهور .. فلم نتكلم او ننتقد خلونا ننتقد كجمهور لا اكثر !
الفنان طارق العلي عنده الحين اكثر من 23 مسرحيه .. فمنو انا كشخص عشان انتقده واعلمه اصول المسرح ؟
الفنان طارق العلي تعلم المسرح من اعود بوعدنان .. فشلون انا او غيري نعلمه اصول المسرح ؟
،،
النقطه الثانيه وهي اللي بعض الأخوان يقولون شون تقارنون طارق العلي بـ عبدالحسين عبدالرضا
اصلا ماكو مقارنه .. عبدالحسين رمز خليجي ، اما طارق العلي فنان محلي عادي !
احنا مانقارن بينهم واللي يقارن بين العود بو عدنان وبومحمد فهو غلطان
طارق العلي دائما يقول بو عدنان استاذي وابوي وعمي .. طارق العلي بنفسه يقول لحد يقارني ببوعدنان
بوعدنان تاج راسي واستاذي ويقول تعلمت منه أ ب ت الفن !!
فأحنا كجمهور مانقارن بين طارق وبوعدنان ابدا ً ولكن نقارن الالفاظ اللي انت مو عاجبتك
على سبيل المثال الكل يقول طارق العلي يستخدم الفاظ بذيئه ! طيب لنفرض ان كلامك صحيح
طيب نرجع لمسرحيه قناص خيطان .. ونشوف الكلام !! بعض الاخوان يقولون " الكلام في مسرحيه قناص خيطان يخدم النص "
الله يهداك ياخوي وين يخدم النص كلمات قويه تخدم النص .. لا نرفع لشخص عشان نحبه ولا ننزل بشخص عشان نكرهه
خل نكون واقعيين ،، في ناس واعرفهم من مسرحيه قناص خيطان اطلعوا من المسرحيه بنصها من الاللفاظ
مثل ما البعض يذكر بأن في ناس يطلعون من مسرح طارق العلي ... !
احنا مانقارن ولكن ليش ما انتقدنا نقد ايجابي للعود بوعدنان على الالفاظ اللي يستخدمها في قناص خيطان ؟
اما كمقارنه بين بوعدنان بذاته وطارق العلي بذاته فهي مرفوضه لان بوعدنان اسطوره كويتيه خالده
وطارق العلي فنان يقدم فن وله خبرته في المسرح فأحنا منو ننتقد شخص من الـ 83 يمثل ؟
احنا منو ننتقد شخص عنده 23 مسرحيه واكثر وبعض هالمسرحيات مع العمالقه كـ عبدالحسين وحياه الفهد !
...
هذا اللي كنت بوضحه واسف على الإطاله
|