[كفاح]

المشاركة الأصلية كتبت بواسطة عبدالإله

بس قبل لاتتهجمو على أحد شوفو كم قضية تطرق لها كانت الناس غافله عنها
والي فتحت كم هائل من النيران ورى كل مقصود

مافيه شيء غافل عنا يا اخ عبد الاله كلنا ندري ان فيه تسيب في الادارات والوزارات والحكومه تدري

كلنا ندري ان فيه حراميه في الدوائر الحكوميه يسون اللي يبغونه ويرتشون وياكلون اموال بالباطل والحكومه برضوا تدري وساكته

كلنا ندري ان فيه بطاله في السعوديه وندري منذ اكثر من خمس سنوات والحكومه تدري

وسيول جده اللي تطرقولها كل العالم درت عنها وعن خفايا المسؤولين ولاحظ اني قلت العالم درى عنها مافيه شيء غافل عنا اين الجديد في طاش السنه هذي اين الحلقه اللي عرضوها وكنا غافلين عنها كل شيء ندري عنه جميع المسلسلات سواءا طاش بيني وبينك سكتم بكتم كلها تابعتها في رمضان لامواضيع جديده قضايا مستهلكه قديمه الطفل يدري عنها

في الاخير مقصد كل فنان هو الشهره فكل فنان يبحث عن شيء يتكلمون فيه الناس ويصبح حديث الشارع حتى لو يضطر الفنان ان يعرض حلقه عن الاله