اقتباس:
المشاركة الأصلية كتبت بواسطة point of view
 يبقى من المسلسلات التي ترفع الراس ومن حق اخواننا السوريين يفتخروا به بعيدا عن أفلام اللحم الرخيص المعلومة المصدر والهوية وما أكثرها الله يعينا ويعينكم
آميـــــن |
طبعا واضح من كلامك - وبعض مشاركاتك السابقه - انك تقصد السينما المصريه
احب اقوللك ان السينما المصريه مجال مفتوح لاي منتج واي مخرج يعمل اللي هو عايز يقدمه
فيلم ملحمي .. فيلم اجتماعي .. فيلم اكشن .. فيلم كوميدي .. فيلم هابط
مصر بتنتج كل سنه فوق ال 50 فيلم ... منهم الكويس ومنهم الوحش والفيلم الجيد هو اللي بيحقق النجاح بدليل تفوق افلام احمد حلمي في الايرادات علي افلام محمد سعد وعادل امام و محمد هنيدي في مجال الكوميديا
ده حتي في امريكا بلد الفن فيه افلام قمه في العبط متقدرش تقول ان كل الافلام الامريكيه علي نفس القدر من الرقي والجوده
قد اتفق معاك ان فيه حاله من الاستسهال اصابت صناع السينما والدراما في مصر من التسعينيات وحتي السنوات القليله الماضيه ... حاله من الاستسهال ومش بسبب ندره او قله كفاءه المخرجين والممثلين المصريين
لكن والحمد لله في عام 2010 وفي مجال الدراما ... الكل شهد علي ان الدراما المصريه تفوقت علي الدراما السوريه ، وده عشان الصناع المصريين عرفو ان البساط بيتحسب من تحت رجليهم وان فيه عملاق سوري بينافسهم فتادركو اخطائهم وبعدو عن ثقافه الاستسهال وقدمو اعمال تفوقت في الصوره و الاخراج و الكتابه و التمثيل عن الدراما السوريه بشهاده السوريين انفسهم قبل العرب وقبل المصريين
والسينما المصريه نفس الحال وان وجدت بعض الافلام التافهه كافلام سعد الصغير السبكيه الصنع .... بس مش هنقدر نقول لمنتج متعملش فيلم كل واحد حر ... فبالتالي تقييمك للسينما علي اساس افلام السبكي وسعد الصغير وخلافه مش منطقي