 مواضيع حلوة بقلمي > بياع القلوب > الأيمو >يعجبني ومايعجبني ..حياكم
ملاقاتي هي جزء من حياتي .. موقف مضحك .. محزن .. وقد يكون محرج !!
وهي تعبر عن رأي الشخصي .. سواء كان انتقادا أو إعجاب ومن غير تجاوز للخطوط الحمراء في كلتا الحالتين..!
المهم عندي اليوم مواضيع حلووووووووووووه واتمنى انهم يعجبونكم ولاتبخلون علي بالردود .. لانها تهمني وايد ...
يلا صعدوووا للباص .. سكروا الباب .. ودور يامحرك ... وإلى ميدان ملاقات ............
بياع القلوب ....
التسويق يختلف من مكان لأخر .. في واحد يبيع مواد غذائيه واخر
ملابس واخر طيب وبخور وواحد حاطله بسطت خام ولا اشرطة فيديو .. الخ
صاحبنا هذا يبييييع قلبه .... وبسرعة البرق ولاي بنت تصادفه .
وتعال شوف النفاق على اصووله . وكل ما كلم
وحده قالها تشترين قلب ؟؟ وهي تطنز عليه تقوله بجم تبيع ؟ وهو
يقول بجم تسومين؟؟ وانا قلت بتفرج عن
بعد وبشوف اخرتها بين هالدلال وهالضحيه .. ومنه كلمه ومنها
كلمه وتبادلو الضحكات واخذ رقمها
وراحت في حال سبيلها وجت الضحيه الثانيه ونفس السيناريو كم
اقول ؟ وسوالف هالدلالين وصراحه
هذا انسب مكان له سوق المقاصيص وراح يقص على كل من
يتخطى جدامه ويلعب لعبته المفضله البيع
وشراء الارقام هههه ببلاش بطريق ماكره وخبيثه واللي محيرني
انه وايد بنات متجاوبين معااه على الاخر
يازتلهم هاللعبه صراحه قطت ويه تفشل وطريقته تفشل وويهه يفشل
ولبسه يفشل هييلقي من امه شحقى هالاعجاب والتجاوب ؟؟؟؟؟
والله خوش لعبه شباب العبوها وقولولي شنو بيصير معاكم لوووول
الحبيب الظاهر متأثر باغنية بياع القلوب للفنان فضل شاكر ههههه
وطبعا راح يسوي بالبنات نفس الاغنيه تماما....!!
اعوذ بالله من غضب الله
شي مخزي ومعيب ومشين ووصمة عار في تاريخنا كامسلمين
وللاسف انه شرك بالله تعالى .. الا وهي
ظاهرة عبدة الشيطان ؟؟ استغفر الله واتوب اليه ... تعبدلك مخلوق
من خلق الله يعني ربك كرمك عن
الحيوان اجلكم الله بنعمة العقل عشان تتفكر وتتأمل خلق الله
وعجائب صنعه وقدرته .. بدال مايتاثر بصنع
الخالق جل جلاله يقلب نفسه >> ايمو<< او جوثكس مادري شسمه
انا اسمع مسميات وصلحولي اذا اخطأت
بكتابتهم .. طبعا الاول الايموو هذا في مرحلة الاعداد .. توه صغير
اما الثاني لعنة الله عليه هو الزعيم وهم
تاثروا فيه وصاروا يطيعونه طاعه عمياء يعني أي شي يطلبه
طلباته تتنفذ بلمح البصر اذبح امك هات
لنا اختك اعوذ بالله عادي اهم شي انه يثبت لهم ولاءه .. وشوفوهم
لابسين اسود باسود وصابغين اظافرهم
سود وشعورهم جنه غراب فارد جناحه .. وحاط تاتوه على ايده
وكاتبين عبارات جاهزون للموت
ومن وللمواجهه ولا نخشى الرب استغفر الله اوصلت فيكم
المواصييل انكم تتعدون على الخالق عز وجل
انتوا شنو بشر ولا حشر ؟؟؟ تعرفون شنو معنى كلامكم؟؟ تعرفون
شنو اللي ينتظركم ؟؟ تعرفون انه الكفر
الاعظم هو الشرك بالله او جعل اله اخر مع الخالق ؟؟ اباءنا واجدانا
يدعون والمسلمين على هالارض الطيبه
يدعون ليل نهار بانه الله سبحانه يحفظ هالارض ويبارك باهلها ..
وانتوا باعمالكم الشيطانيه تخلون
الدعوات ترجع وتروح البركه ... يا هالفئه الضاله من العباد .. اتقوا
الله حق تقاته ولا تموتن الا وانتم مؤمنين
.. وتذكروا الاهوال اللي صارت بالاقوام السابقين .. ولا اله الا الله
وحده لا شريك له سبحانك ربي اني كنت
لمن الظالمين ..
يعجبني ولا يعجبني
يعجبني اللي اول مايقعد من النوم وقبل لايغسل ويهه يروح يدور
على امه وابوه علشان يحبهم على راسهم
ومايعجبني اللي يرفع صوته على والديه
يعجبني اللي شفتهم بالمجمع لما اذن الاذان اتركوا كل شي وراحوا
يصلون
مايعجبني اللي يزعج الناس ويعاكس بنات خلق الله
تعجبني البنت اللي المحتشمه والعفيفه
وماتعجبني اللي تحط تلبس قصير والويه جنه قوس قزح
يعجبني اللي يحرص على وصل ارحامه مهما صار بينهم
ومايعجبني اللي يقطع بارحامه لاتفه سبب
يعجبني اللي يشتغل بضمير ويحب العمل
ومايعجبني اللي يطق كرته ولا يشتغل من غير ضمير
يعجبني اللي يجابل عياله ويشوف طلباتهم
ومايعجبني اللي مكبر المخده ولا سائل فيهم
يعجبني الصادق والشرف
ومايعجبني المنافق والخبيث
يعجبني اللي يعترف بغلطته
ومايعجبني اللي يتمادى بالغلط
يعجبني اللي يعطي الطريق حقه
ومايعجبني اللي يخالف العباره السابقه
يعجبني اللي يقتدي بالنبي عليه الصلاة والسلام
ومايعجبني اللي يقتدي بمطرب او رقاص
يعجبني الطالب المجتهد
ومايعجبني الكسول والاتكالي
يعجبني الشخص كل شخص رياضي
ومايعجبني اللي مايحب نبيل العوضي
ويعجبني كذالك محمد العوضي
ومايعجبني العرافين اللي يطلعون على القنوات وكلامهم الفاضي
وانتو تعجبووني والله فدييتكم
ومايعجبني اللي ماراح يرد على الموضوع
لوووووووووووووووول
دمتم بحفظ الله ورعايته
وسلامتكم
|