[روائي]

ملاقات 4 تعود اليكم بمواضيع حلوه وخفيفه كما عودناكم ...........


راح نستعرض لكم بعض المواقف الطريف ... املا في ادخال البهجه اللي قلوبكم الطيبه .... ورسم البسمه على وجوهكم ..... وبعد الاستفاده من بعض المواقف اللي فيها عبره .... ويمكن تصادفك اليوم او باجر او حصلتلك من قبل .... في كلا الحالتين اضحك واستمتع وتعلم ....


>>> وعن الفلسفه الزايده روائي .... اخذنا الى ميدان ملاقات



..



..



..



..



..



..



..



..



..



..



..



..



..



..



..



..



..



..



..



..



..



..



..



..


سيدتي العزيزه هل تتعرضين لمضايقات الشباب ؟ خذي دروسا في فنون القتال والدفاع عن النفس مع روائي :


سيدتي العزيزه في اثناء ذهابك للسوق او للتبضع ... وتعرضتي لمضايقات شاب مستهتر ... يتوجب عليك اتباع الاتي :


1) دائما ضعي في حقيبتك زنوبه >يكرم القارئ< مقاس 42
2) وعند اقتراب الشاب منك اطرحيه ارضا واربطي ذراعيه بحزام بنطاله
3) ودوسي على بطنه من قلب خل يرّجع اكل اسبوع ..
4) اخرجي الزنوبه من الحقيبه وكفيخه تكفيخه خفيفه على وجهه ...
5) ودائما خلي فوم نير بالحقيبه ايضا ... ورشيه على كشته وحواجبه ولا بأس اذا حطيتيه بعيونه انتي وضميرج !!
6) وبعدها شلعي اظافر ريوله بأداه حاده ... مشرط او مقص .. كيفج
7) اسحبيه من ريوله امام الناس وعلقيه على واجهة المجمع ليكون عبره لمن لايعتبر
8) غادري المكان وانتي تضحكين ضحكة النصر بكل فخر وكبرياء هاه هاه هاه




وبعده محد راح يقربلج بعد اليوم.... والله يستر على شبابنا!!!!!!






أأأأأه صج الجهل في العلم مشكله !!!


في قاعة دراسيه مكتظه بالطلاب ... طالب غثيث وغبي واسألته
اغبى ...!!! والله شوش على الطلاب ولا خلانا نفهم شي معدل كل دقيقه يرفع ايده .... ومن الغباء انه يسأل ويجاوب على سؤاله ويرجع يسأله بصيغه ثانيه !! يعني واحد من اسألته العبقريه " دكتور الدم شنو لونه ؟" قاله الدكتور احمر َيبْني !! قال لا انا قاعد اشوف عروقي خضره يعني الدم اخضر !!!! جاوبه الدكتور ببساطه وقاله هوز الماي لونه اصفر بس هل الماي اللي داخله لونه اصفر ؟؟ قال لا يا دكتور !! قال العروق هذا لونها بس الدم احمر .... ومو مقتنع بعد !!!!!!!!!!
رد رفع ايده وصوته مثل جرس الاسعاف مزعج جدا ويوتر ... دكتور انا اقدر اشوف الذره بعيني شحقه بعد نستخدم المجهر ؟! قاله ازاي يابني دي حاجات دقيقه ... قال انا عندي القدره اني اشوفها ؟؟!
والشعب برمته ميت ضحك عليه ههههههههههههه


شوي ورد سأل العبقري وقال دكتور ترا الماي مو موصل للكهرباء انا مره جربت وماتكهربت !!! قلت بنفسي يمكن تكهرب وزر عقله وماعاد يتذكر الموقف لانه اسالته مو طبيعيه !!! فا واحد من الاخوان رفع ايده وقال حق الدكتور خل نسوي التجربه عليه خخخخخخ




تهاوشو القطاوه على سبت حلاوه


كل وحده تقول لثانيه مكاني وتعالوا شوفوا الردح ههههههه وكلمات يعجز قلمي عن التفوه بها .... سب وغلط ... على منو وعشان شنو ؟ شخصيه مشهوره مع المدام ,,, يتعشون في احد المطاعم ... والحبايب يتهاوشون منو تقعد يم طاولتهم
" اللي يسمعهم يقول راح يهد زوجته ويجي يقعد يمكم"
ووحده تهدد الثانيه خخخخخخخ وتذكرت مسرحية الكره مدوره لما عبدرالحمن العقل قاعد مع زوجته بمطعم ... ويجي ولد الديره الله يرده بالسلامه وعبدالناصر درويش يحاولون يتحرشون فيه خخخخخخ امام زوجه اشكره وعيني عينك ... والله فشله وقلة حيا ... لهدرجة انتوا ارخاص ؟! والفنان ولا المممثل ولا اللاعب شنو ترا انسان عادي ... ويعيش حياته مثل اي انسان .... ماقول الا الله يهديكم ويصلحكم ... ولو كنتي بمكان زوجته شنو بتسوين ؟؟؟