[هرول]

المشاركة الأصلية كتبت بواسطة أحمد سامي

السؤال هنا كيف تكون المسرحية الرياضية الكوميدية النموذجية من وجهة نظركم ؟

وهل هذا الإسفاف والتهريج الموجود بالمسرحية نابع من كونها رياضية , وهو مبرر كاف لإظهارها

بإطار من الاسفاف الكبير ؟

اخوي تبي تعرف شنو العيب الرئيسي في هذا العمل؟
شوف اخوي
المبتدء في الكتابة يعرف امرين مهمات
1- مشاكل
2- حلول
من سابع المستحيلات
ان اقنعك كاقارء بحل
قبل ان اعيشك حجم المشكلة
شنو الكارثه الي صارت في الكره المدوره
والخطاء الفادح الذي لايغتفر ويطلع لك فعلا ان السالفه ماشيه على البركه
سوالف بديوانيه ومن باجر مسوينها مسرحيه
الي صار
الكاتب وضع تبريرات وحلول
ركز فيها على ضعف الدوري
ومشاكل اللاعبين في حياتهم
طيب المتلقي شنو يستفيد من هالكلام كله؟ شنو هذي الحلول الي قاعد تعرضها عليه؟
وين المشكلة؟
في النهاية
صارت سفرت الهند
وانهزمو بنتيجة ثقيله
اذا خرج المتلقي بقناعه
ان من يتحمل الخساره هم اللاعبين انفسهم
وتعال اقنعه بأن ماسبق مشاهدته هي مجرد حلول وتبريرات للخساره

يعني التكنيك معطوب عند الكاتب والله واعلم
الحل , الفصل الاول سفرة الهند
ومن بعد ذلك ترجع اللاعبين لفرقهم ,,,
ردة فعل الجمهور تجاههم عشان هالخساره
ومن بعد ذلك تستعرض حياة اللاعبين
لان فصل المباراة كان للمباراة لمجرد المباراة فقط ولم يكن له مغزى ولو فعلها بالطريقه التي ذكرتها لكان لها مغزى وعرض يفهمه المتلقي .
تركيز الكاتب على شخصيه واحده
مو عندك درزن نجوم ,,
عادي ركز على عبدالرحمن العقل مشه العب بشخصيته اعرض مشاكلها
بس يكفي فصلين
المطعم شخصية لاعب اخر
مايمنع عبدالناصر درويش زوجه
والعجيمي زوج
وولد الديره والاسمر الي معاه ,وانتصار الشراح شوية مكياج تغير اللوك حقها
يقدمون لك فصل ولا اروع

رقم اثنين
غانم الصالح كرت ضايع
ماعرفت شنو دوره مذيع؟ راوي؟
الافضل توضيف غانم الصالح ووضعه بدور يناسبه يفجر امكانياته
وحذف شخصية الراوي الي وضعها الكاتب لانها كرت محروق وكلام فاضي
والمتلقي ذكي وبيفهم شنو الي قاعد يعرض عليه ..
وغلط ان تشرح
قبل ان تقول
*************
المسرحية محاولة لمجاراة فرقة دريد لحام على ماعتقد
فيها كرت الراوي بين الفصول
بس هذوليك نوعية النصوص الي داخل مسرحهم صعبه وتحتاج لذكر كم نقطه بسيطه لشد انتباه المتلقي للنقاط الي هم يبونها
بس كرة مدوره ماتحتاج لراوي يشد انتباه المتلقي ,, نص وفكره واضحه .فما كان له داعي هالحشو

وكذلك مسرح دريد بطل واحد ويتمشى بين الفصول ويمر بعدة موقف وكل فصل يختلف عن الثاني . بس البطل والمساعد له ثابتين على ماعتقد
وهذا مافعلوه في الكرة المدوره
واخيرا لا اضعها بذمتي
الكاتب له اسمه وهو كبير ومعروف وشاهدت له عدة مسرحيات
وماتوقع هالهفوه تصدر منه
ولكن لنا الضاهر ..

قد يكون في الموضوع انه , ممكن تدخل من نفس شخصيات العمل او المخرج
مماحدا بالكاتب ان يعيد ترتيب فصوله وهذا الذي اكاد ان اجزم عليه


اما سالفة ان هالمسرحية هي السبب الرئيسي وراء انحدار المسرح
ياسيدي الفاضل كل جيل وله فنه
الجيل الحالي لو قلت له تعال شوف مسرحية سوق المناخ
بنص المسرحية بينام قدام التلفزيون
بس قل له تعال شوف مسرحية قدها ونص ,,, تلقاه شوي ويموت من الضحك يمك
اقتنع بذلك ,,
كل جيل وله فنه
حتى المسلسلات ,, عطه مسلسل هيروز والا درب الزلق
خير ان شاء الله درب الزلق ,, ركض بيشوف هيروز
التفكير تغير والناس تغيرت