[>< ساره ><]

اللي كتبت نص مثل دارت الأيام وجرح الزمن مستحيل اهي نفسها صاحبة الإمبراطورة !!
الموضوع موفشل المسلسل ونجاحه !! مثلاً وداد الكواري نجحت بيوم اخر وحكم البشر وغيره وفشلت بقلوب للإيجار بسسس روحها ككاتبه موجوده !! يعني مبيّن اهي اللي كتبته اما فجر السعيد اختلاف شاسع ،

وهني أشكّك بفجر السعيد كــ كاتبه الصراحه !
احتمال كبير بعد جرح الزمن صاحب الأيادي المبدعه اللي يكتبلها اختلف وياها

ثانياً اهي أول من تطرق لسالفة البويات والبيوت المشبوهه والرقص + التدخين واللبس الأوفر بعديل الروح والقرف اللي سوته بدرية احمد !

ممكن الكاتب يتطرق لهالشي "لأنه موجود بمجتمعنا" بس يتكلم عنه بهدف التوعية اما اهي كان البلبله والاثاره وزيادة نسبه المشاهده
مثل مشكلة البويه اللي طرحتها بطريقه ساذجه وخاصة لما تعالجت ( تحب ) !!
شنو قصدها من هالعلاج ؟!

اما عن قناة سكوب وموضي علف كان من باب الدعابه بس الدعابه الثقيله حيل اللي ودك تقتل اللي قايلها
قناة هيلقيه مذيعينها مادري من وين يايبتهم !! بتشره انهم يابو موضي علف ؟!

خلها على ربك بس