[بن عـيدان]

راح أتكلم عن بلدي الكويت الحين ..

أولاً: على المستوى العربي

ولا دولة عربية عندها ما عندنا من "حرية" التعبير عن الرأي..
حتى وصل إلى حد "الهواش" بالمجلس.. والتعبير بالألفاظ النابية بوسائل الاعلام.. قد يكون هذا شيء سلبي لدى البعض لكني انظر إليه بإيجابية !! هذا شبيه بالدول المتقدمة بأوروبا وأمريكا!!

ثانياً: على مستوى الخليج

روح منطقة شرق وشوف العماير ناطحات سحاب.. هذا تعمير..
وتصاميم أكثر من رائعة على شارع الخليج العربي...
الأسواق.. ما تطوف سنة إلا مجمع يديد يستقبل وفود الأوادم ولا يلحق.. عندنا مهرحان هلا فبراير ما يقل عن مهرجانات دبي وقطر
الشي الوحيد اللي عندهم وما عندنا .. أو عندنا بس بصورة أقل نسبياً,,
الاهتمام بالسياحة.... واعتمادها فقط على المطاعم ومتحفين وكم حديقة!!
السبب يرجع مو للجو!! .. مو للاهمال أو عدم الاهتمام..
ولكن بسبب منطقي هو "قلة الأجانب" !!...السواح ! ... بعكس دبي والبحرين وقطر ! ..
وقلتهم بسبب عدم وجود ما يجذبهم ! .. فالممنوعات عندنا .. مرغوبة عندهم وموجودة في دول اخرى بالخليج !!!
وألف حمد وشكر أنها ممنوعة ... هذا شيء يشرفني.. ولو بروحي .. هم راضي !!

ثالثاً: على مستوى العالم

الخدمات اللي تقدمها الدولة... التعليم مجاني.. العلاج بالكويت أو برة على حساب الحكومة.. المعاش يمشي للطفل من يوم ولادته تنزل الزيادة لولي أمره... يتزوج بمنحة 2000 دينار وقرض 2000 غيرهم ! .. السكن .. بيوت توفرها الدولة تضف المواطن ويتحلطم عليها بعيدة و نائية !! ...

أخيراً

الحمد لله رب العالمين.. النعمة اللي عندنا قمة التقدم والانسانية... مو موجودة حتى بأمريكا أم الدنيا...
ولا شي من هالأسياء كان بالماضي وراح.... احنا تعيشه بالحاضر وراح يستمر بالمستقبل...
الكويت الماضي والحاضر والمستقبل... عصر ألماسي