[>< ساره ><]

شجون :
مجرمة تمثيل مثل ماقالت سعاد عبدالله عطها كوميدي تبدع ، تراجيدي تبدع اكثر ،
وايد تذكرني بالممثله الهنديه "كاجل" تمثيلهم اهم الثنتين فيه كاريزما وصدق تعبير فظيعين مشالله ،

هند البلوشي :
بالمرتبه الثانيه بعد شجون وأحياناً تتفوق عليها مثل دورها بالفريه كان قممه ،
بس هند اشوفها تنفع بأدوار الشريره اكثر
صحيح لها ادوار "طيبه" مثل عيون الحب بس الشريره تبددع فيها

ملاك :
اخر سنتين اثبتت نفسها عدل ،
خرّب عليها الادوار الهابطه اللي سوتها من قبل بس ام البنات كانت فرصه ذهبية لها خاصة انها يت "انقاذ موقف" بعد انسحاب شهد مسك من المسلسل ومن هني كانت انطلاقتها ،
بدّعت باميمه وزوارة خميس بالأول مثلت دور المراهقه عدل والثاني ام بمنتصف الثلاثينات !
بس "مشاكلها" الكثيره مع الكل مأثره عليها كممثله !!

فاطمة الصفي :
ممكن في بنات تمثيلهم احسن منها ، بس اهي عندها شي يجذب ، ملامحها ، هدوئها ، نعومتها ، حبيناها بمليكه وكانت قمة بدور منيره ، بس السنه اللي طافت اشوف ادائها هبط رغم ان شهرتها ماتغيرت وممكن تكون زادت بعد ،!!
مشكلتها احياناً تتأثر وايد باللي جدامها مثل شجون بأميمه + حسين المهدي ( اتذكر في مشهد بزوارة خميس كانت تتكلم بدفاشه لأن زوجها قاعد يصرخ عليها !! وتفتح الجاكيت وتراويه الكدمات ، بهالمشهد واضح متأثره بعصبية زوجها لدرجة صارت دفشه مثله )

صمود :
صمود الكندري وايد تمثيلها حلوو رغم صغر سنها ، اول مره شفتها باخر صفقة حب البنت "العمياء" كانت ناعمه وكيوت وعقب البنت "القوية" بنور في سماء صافيه ،
ورمضان اللي طاف بدعت بساهر الليل ،

هيا عبدالسلام :
وايد بارده ! بس ناعمه وقريبه من القلب
ماتنفع بغير ادوار الرومانسيه او المغلوب على امرها ، !!

شهد الياسين :
عقب 2008 وظل الياسمين اختفت !! صحيح قدمت ادوار بس عادية حيل واداء اقل من عادي !!
ياترى شنو السبب ؟!

شهد :
ماتعجبني كلش !