والله موضوع حلو 
عادة انا ماأحب الكاتب يخلي النهايات مفتوحه ، وفجر السّعيد مشهوره بهالشّي مثل القرار الأخير ودروب الشك !
من احلى النهايات : ظل الياسمين ، عندما تغني الزهور ، جرح الزمن ، الفريه ، فضه قلبها ابيض ، يوم اخر 
، عيون الحب ، ساهر الليل ،
اسوأ النهايات :
ام البنات ! مومعقوله هبه حماده تنهيها بهالشكل ! تزوجهم كلهم مع بعض 
انا اشوفها خرّبت المسلسل اخر حلقه !!!!
اميمه في دار الأيتام ! وحده عاشت 20 سنه تنطر بنتها اخرتها تتراجع عن هالقرار وصارو كلهم بناتها !! ماكو تفاهه أكثر ؟! ولو اميمه ماتبي تعرف "زوج اميمه" بعد مايبي يدري منو بنته وكلهم بناته 
زوارة خميس : النهاية منطقية "موت موزه" ومااتوقع في نهاية بتكون أفضل
بس في خيوط بالقصه ماعرفناها !! واشياء مرّو عليها مرور الكرام !!
مثلاً خالد امين شلون تعالج وقام بهالسرعه ؟؟
حسين المهدي طلق زوجته وفجأه لقيناه معاها !
شجون كانت متهاوشه وي العماني وعقب حامل وبتولد !!
يعني مشكلة هبه حماده الــ 3 حلقات الأخيره ضيّعتهم على اشياء مومطلوبه ( يروحون السوق ، يسوون مساج ، يسولفون ويلعبون جنجفه ) وبعدين فجأة خلت كل الاحداث بحلقه وحده !
وبعد اذا تذكرت نهايات موحلوة ييتلكم