مساء الورد 
الأوليين قالوا لاتكثر الدّوس ياصاحبي يملونك ! احياناً تشتاق لفنان وتبحث عنه مابين القنوات او تتابع أخباره بالصحف والمجلات ، وفنان ثاني كل ماتفتح على قناة لقيته ،، ومن كثر مايصير واايد تحس لو تفتح باب ثلاجتك بتحصله 
ليش وشحقه ؟!
يقول : القنوات صارت وايد والمسلسلات كثرت ولازم اترك بصمه برمضان !!
ولكن البصمه تصير بصمات لحد مانمل منّه ومن كثرة تواجدة 
حتّى لو يكون اداءه حلو بس هالكثرة تحرقه !!
##
##
هالسّنه في فنانين واضح انهم كانو يطلعون من لوكيشن ويدشون بالثاني او يدشون عملين مع بعض !! راح نشوفهم بكل زمان ومكان !! خلونا نستعرضهم نفر نفر وبعدين نقيم الحاله 
-1-
الهام الفضاله
لايخفى على احد ان سنة 2010 كانت سنتها بإمتياز ومثل ماقالت بأحد اللقاءات الــ 13 سنه اللي كنت فيها بالفن كووم ودوري بزوارة خميس كوم ثاني ! ارتفعت اسهمها حييييييييييييييييييييل وصارت بمصاف النجوم الأوائل بعد سعاد وحياة ،
ولكن الهام شكلها بتحرق نفسها عدل هالسنه لأنها صورت لحد الحين 4 اعمال وهم : علّمني كيف انساك ، باب الفرج ، فرصه ثانيه ، بوكريم برقبته سبع حريم ، وتستعد الهام ايضاً لتصوير برنامج رمضاني على قناة الراي اسمه "مطبخ الهام" 
،
##
-2-
هيفاء حسين ،
رغم برودها وأدوارها المتشابهه بس مانقدر نقول الا انها نجمة البحرين مع زهرة عرفات ،
هيفاء كونت لها قاعده جماهيرية كبيره مشالله بفضل مجهودها وصارت منتشرة خليجياً موبس بالبحرين او الكويت !!
هالسنه هيفاء راح تتواجد بــ 4 اعمال !
ليلى 3 ، نوح الحمام ، وجع الانتصار ، سماء ثانية !
##
-3-
جاسم النبهان ،
بيشارك بمسلسل جفنات العنب ، عبدالله وعذاري ، ساهر الليل 2 ، ايام وليالي !
ماعهدنا من هالفنّان هالكثرة بالتواجد !!
##
-4-
هدى حسين ،
عوّدتنا على عمل واحد بالسنه او بالكثير عملين !! ولكن بتتواجد بثلاث اعمال وهم الملكه ، علمني كيف انساك ، الدخيله ،
وكانت بتشارك بالرابع اللي اهو "حريم أبوي" ولكن تاجل العمل ،
##
-5-
فاطمة الحوسني ،
فاطمة واضح انها تبي تفرض نفسها وتتواجد بأكبر قدر من المسلسلات وبالفعل شاركت بالدخيله ، بنات الثانوية ، لهفة الخاطر ، ساهر الليل 2 ، طماشه 3
ومسلسل فجر السعيد اللي تأجل تصويره لما بعد رمضان ،
الحصيله 5 اعمال والسادس مؤجل 
##
-6-
باسمه حماده
كان تمثيلها يعجبني بس للأسف صارت تهتم بالكم موالنوع ،
وحصرت نفسها بأدوار الأم التقليدية !!!
عندها : العضيد ، فرصه ثانيه ، الجليب ، ساهر الليل 2 ،
##
-7-
زينه كرم ،
لي تحفّظ على اداءها البارد وكنت اتمنى تبقى مذيعه ، ولكن زينه كرم اقتحمت المجال وخاصة هالسّنه اللي بتشارك فيها بــ 3 اعمال وهي فرصه ثانيه ، ساهر الليل 2 ، بنات سكر نبات وهو اول بطولة مشتركه لها مع مريم حسين وامل العوضي ،
##
-8-
صلاح الملا ،
منو ينساه بالفريه او الدايه ؟!
اسم فنان قطري لمع مع حياة الفهد ،، يعجبني تمثيله واايد ولكن دحام الشمري اللي كان سبب شهرة الكثيرين حاله صار العكس وي صلاح الملا اللي نزل مستواه مع هالمخرج !!
وطلع بأعمال اقل من عادية مثل اخر صفقة حب ، بعدك طيب ، أنين ،
هالسنه بيشارك بــ 4 مسلسلات وهي ساهر الليل 2 ، لهفة الخاطر ، الجليب ، الثمن ،
##
-9-
بثينه الرئيسي ،
صحيح في بعمرها من اهم افضل اداءً منها ولكنها فنانه ذكيه وعرفت شلون توظف نفسها
ولكـــــــــــــن متواجدة أكثر من اللزوم هالمرّه فعندها بوكريم برقبته سبع حريم ، شلة بنات ، مانتفق ، شوية أمل !!
وللعلم بثينه السنه اللي طافت بعد شاركت باربع أعمال وانتقدوها بالجرايد ولكن ماتعلمت من اخطاءها !!
##
-10-
لمياء طارق
رغم ان عمرها الفني 14 سنه ولكن مازالت ادوارها متذبذبه !
سنه تصعد فوق وسنه مانشوفها !!
واختياراتها سيئه باعترافها في أحد اللقاءات قالت انا اختياراتي سيئه وكثير الوم نفسي على هالموضوع ويكفي انها اعتذرت عن دور مع سعاد عبدالله بفرصه ثانيه عشان تمثل بمسلسل الثمن وي عبدالعزيز المسلم عشان نعرف سوء اختيارتها
لمياء هالسّنه عندها بوكريم ، الشعور القاتل ( عمل قطري ) ، وعمل عماني ، الثمن !
##
##
اللي قاعد يصير شنو نسميه ؟!
فرض غصب طيب على المشاهد !!
او الأعمال كلها واااو ومايقدرون يفضلون دور عالثاني ،،
ولا العلاقات والشلليه والمجاملات وراء هالشي
اتركلكم الكلمه