ابداعها بالتمثيل مايختلف عليه اثنين !
فنّانه مااعتمدت على شكلها ولاجسمها او اناقتها ،، كانت بسيطه حتى بمرحلة شبابها اللبس والميك اب اخر همها !!
وبالسنوات الأخيره مع "وضع مسلسلاتها" ابداعها حاضر 
يعني مثلاً بمسلسل دمعة يتيم كان اداءها واهي "مخرفه" فظييييييع ويعوّر القلب !! أو بليلة عيد يوم ولدها يطق بنتها واهي تركض بحوش بيتهم هم رووعه ،،
انسانه مبدعه بس للأسف قلة مستوى مسلسلاتها الأخيره وخلافاتها وي الفنّانين أثرت عليها ،،
انا الخّص عيوبها :
1- حياة الفهد ماقامت تعترف بالبطوله الجماعيه !! وبالأحرى صارت نفس نجوم مصر ،،
تخلي نفسها النجمه الواحدة اللي تدور عليها كل احداث المسلسل وتطلع بالحلقه أكثر من ثلاث ارباع المشاهد وتييب نجوم ( نص كوم ) ووجوه غير معروفه او معروفه وغير مرغوبه !!
وحتّى الكتّاب تاخذ عاديين سوّو مسلسلات من قبل ومانجحت نهائي ،،
2- كثرت مشاكلها !!
حياة المفروض تصير بمثابة أم والفنانين يستفيدون من خبراتها ،، بس للأسف تلاسن هالفنانه وتتهاوش وي الثانيه وباللقاءات الصحفية تتعمّد تقط نقزات على "هالكاتبه" وتقول مشاكلها وي المخرج !!
يعني مومعقوله مريم الصالح ، هبه الدري ، هدى حسين ، زهرة الخرجي ، منى شداد الخ الخ كلهم غلط واهي الصح !! وبالنسبة لمنى شداد اذا كان البعض يقول مابينهم شي اقوله مستحيل 
من بعد ماكانت مديرة بشركتها + تاخذ بطولات فجأة تقطع !! بس واضح الثنتين حبّو يحترمون علاقتهم السابقه ومايتكلمون عن خلافات نهائي ،،
حتّى سعاد عبدالله صديقة عمرها صار خلاف وياها وحلّوه بآخر لقاء وياهم ،،!!
3- حاصره نفسها بأدوار المسكينه ! وأدوارها الباكيه اللي قامت تذكّرها بعبير الجندي 
كلها دموع دموع ،،
اتوقّع هذي أهم اسباب نزول مستواها ، ولكن تبقى سيدة الشاشه اللي امتعتنا مايقارب النصف قرن