لما شفت ردودكم رحت اقرا لقاءها وفعلاً "شمّيت بين السطور ريحة غرور " !!
ليش الواحد ينزل للي دون مستواه ،، والناس مقامات !!
انا بالاستفتاءات بعد حياة وسعاد ،
واتذكّر لقاء قديم لها "قبل سنه" قالت بعد حياة وسعاد مافي عالساحة الا انا وهدى حسين ولما سألها المذيع وأم سالم وينها ( انتصار الشراح ) قالت وينها ام سالم اصلاً عقب الحجاب اختفت ! ياسلام ؟؟؟؟؟؟؟ وتاريخها وأعمالها اللي قبل نسفتهم كلهم علبوو انها تحجبت 
!!
عموماً ،،
انا ماأحب التشبيه وأصلاً اشوف الهام ماتشابه سعاد بأي شي !
1- نوعية الأدوار تختلف تماماً !! سعاد عبدالله ثلاث ارباع اعمالها مميزه ، أما الهام وايد عندها أعمال دون المستوى خاصة اللي مع احمد السلمان وسكوب ، 2- سعاد شفناها بكل مراحلها المراهقه ، الناضجه ، الأم ، الجده ! اما الهام ابتدت كبيره وبأدوار ( أم ) على طول ! 3- الأناقه والبساطه اللي كانت ولازالت مشهوره فيها سعاد عبدالله والهام الفضاله عكسها تماماً 
بس اللي يميز الهام الفضاله انها طلعت بوقت "ندرة الممثلات الكويتيات" ، وهالشّي جذب المنتجين لها وعلى قولتها ملامحي كويتيه + انها بنت عايله كويتيه معروفه ،
تمثيلها حلو وعندها قبول يعني مرحه ودمها خفيف ،،
فياريت ماتخرّب على نفسها بتصاريح بايخه عشان ماتخسر اللي يحبونها ولاجمهور الفنانات الثانين ،
اقتباس:
المشاركة الأصلية كتبت بواسطة بحر الحب
 ورغم تميزها الكبير بالدور لكنها بالنسبة لي لم تكن أفضل من شجون ومرام بنفس المسلسل .. |
نفس اللي ببالي 
بزوارة خميس كانت مميزه بس مومثل شوجي ومرام !! حتّى ملاك بعد اداءها كان وايد حلو ،