[>< ساره ><]

مساكم الله بالخير وتقبل الله طاعتكم

للأمانه حوسة الجامعه ماخلتني اتابع كل الموجود وأهمهم "الدخيله" وبقية المسلسلات العربية ماشفت الا خليجي !!

## بوكريم : الأكثر جماهيرية مع ساهر الليل ، بس وايد مبالغين بالكآبه والمآسي !! المفروض يسمونه البؤساء موبوكريم الحبكه الدرامية متوسّطة وفي اخطاء اخراجية واحنا تونا بالحلقه الثالثه !! في قصص وايد حلوة وتعور القلب "مثل قصة شجون لما يحذف عليها الفلوس أو الكلب مع فاطمه" وفي أشياء ماتتصدق مثل الهام الفضاله شلون تروح حق بيت واحد غريب لأنه بيكلمها بموضوع !!!!!!!!!!!!!!
وردة فعل لمياء طارق وااااااااااااااايد بآآآارده والأبرد ردة فعل خواتها

## فرصه ثانيه : وصلنا الحلقه الثالثه والأحداث مازالت "تعريف بالأبطال" ماكو اكشن ماكو أحداث تشد وشي يخلّينا ننطر الحلقه اللي وراها !! اللهم خيوط وقصص العايله تطلع ،، جنها سيرة راوي ،، وطبعاً هذي كلها اخطاء المخرج ،!!!
مااصدق مخرجه اهو نفسه مخرج شوية أمل !!!!!!

اخراجه بهالمسلسل تقليدي بحت ماكو إبداع غير تصويرهم اللي جني اطالع القدر المحتوم !! ،،

## الملكه : بايخ كلش ماتوقعته جذي !! المسلسل استعراضي بس الاخراج حلو ،،

## ساهر الليل : وايد وايد حلو واذا بيستمر على هالمستوى بيكون احلى من ساهر الليل 1 عالأقل هذا فيه أحداث عكس الأول اللي مشى على رتم واحد لما تنفضح لولوه يعني بالعشرينات !!!

## شوية أمل : ليلحين واايد عاجبني ،
زهرة عرفات إبدااع ومرام وايد لايق عليها هالدّور عكس فرصه ثانيه !!

## بنات الثانوية : في احداث قريتها بالرواية موموجوده !! احس المسلسل صاير تقليد حق أبله نورة

## الجليب : هالمسلسل أحسه نفس روايات عبير على ستايل تراثي ولااأكو وحده بالخمسينات يابت عيال وبتصير يدّه ليلحين تفكّر بحبيب المراهقه !!
مادري يمكن لو ممثله ثانيه غير ام سوزان ابلعها ،، بس ننطر باجي الحلقات ونحكم ،،