[قلب النسر]

بعض جماهير الماضي لا تختلف عن بعض جماهير الحاضر في نقدهم ... يعني رسالة أوصلها للفنانين مو كل جمهور تأخذون برأيه ولا نصهم ما عندهم الا الهياط وعوار الراس ويدورون يمين ويسار أنا أدري ومع ذلك نحترم رأي بعضهم .. اذا انت كنت واثق من عملك وماشي صح يا فنان أمش ولا يهمونك واذا مو واثق وتسوي ان عملك مسكت ولا أحلى منه لا والله تحمل النقد اللي بجييك ...

الناس أنواع ناس تقول الله يهبل هالممثل شحلاته تكتب له عشرين سطر مدح ويصير ممثل عالمي بدون مبرر هكذا عالحكم على مظهرة فقط !!
الناس أذواق عد وخربط يحوسونك ومن حقهم ونحترم
ناس تحكم على شكل الممثل ناس تحكم على وسامة الممثل وناس عندها ثقة زايدة بالنقد ولا يهمها الراي الاخر وناس مالها صاحب بالنقد وناس محايدين يقولون الحق ... وناس جريئة بالنقد ويكون نقدهم بناء .. وناس جريئة بالنقد ويكون فيها نوعا ما تجربح .. وناس تنتقد على المزاج .. وناس تمشي على كلام ناس .
وفيه منهم ما تفرق عنده بالنقد .. اوكي وبعدين وين وصلنا .. اللي أحب أوصله ان الدنيا لازم يكون فيها نقد وكل شخص له اسلوبه وطريقة معينة والأراء متعدده وناس تتفق وناس ما تتفق عيل شلون تمشي الحياة سواء ان كان حديثنا عن الوسط الفني او اي مجال اخر . وأحيانا الجمهور يخطأ ويستعجل بالحكم على الشيء ويصلح خطأه هذه شغله موجودة فينا..

ولكن بجب أن نعطي كل عمله حقه في النقد فاشل بنقول والله انه فاشل أو ناجح والله اكيد بنقول ناجح والجمهور ما يجامل .. ولكن المشكلة تكمن أو تقع عندما تظلم العمل سواء كان ناجح أو فاشل نقول الناجح فاشل وحق الفاشل ناجح!! .. هذا خلاصة كلامي ووجهة نظري وتحليلي للموضوع وتوضيح نقاط وضعتها على الحروف