شفت اللقاء وياريتني ماشفته !!
1- أكثر شي ضحكني يوم يسولف على بناء التراث وحسب كلامه
- قبل كانو اغنيا موسعف ودكاكين !
- المفروض تنبني قرى تراثيّة متكامله موشارعين فيهم بيوت !!
على أساس اهو بمسلسلاته قاعد يبهرنا بهالقرى التراثية والديكورات المتكامله 
!!
2- يتكلم على الفرق بين العرس قبل والحين وقبل ماكان فيه طيران بس الملايه تسويلها يلوه ! سؤال شدخّل الملايه بالموضوع 
3- الممثل بالأعمال التراثية دايماً يتهاوش وي مرته !! مع ان حياتهم قبل مافيها هواش عشان لقمة العيش والتعب ،،
ومسلسلاته نصها هواش وي الحريم !!
4- يتكلّم على البدليات ومع احترامي له اهو اخر واحد يتكلم عن هالموضوع 
##
##
اللقاء استعراض استعراض استعراض ،، الكلام صحيح والانتقادات بمحلها بس مومن جووهر !!
يذكرني بمثل اسمع كلامك يعجبني اشوف افعالك اتعجّب ،،