[أبيك و ما أبيهم .~]

شكرًا لكم جميعًا على الردود


بالنسبة للآرائي في التغييرات




لا يوجد مقارنة بين "بدر الشرقاوي" و "خالد أمين" .. الشرقاوي آداءه جدًا عادي يمكن اجتهد و حاول يقدم شي بـ "الجليب" بس بعد ما طلع منه شي و هذي حدود موهبته لا اعتراض طبعًا

"تبديل غير موفق"



أكيد عبير أنسب للدور و ماعتقد لمياء لو خذت الدور بتقدمه مثلها + لمياء آداءه صاير ما يعجبني كلش بآخر الأعمال و صايرة مصطنعة وايد

"تبديل موفق"



أكيد حسن البلام يبدع في مثل هالشخصيات بس عمر شخصية حسين مو مناسبة له
و محمود بوشهري قدم الشخصية بشكل جدًا حلو و مو قادر اتخيلها على شخص غيره

"تبديل موفق"




الحساوي ابدع بشخصية حبيب بشكل مو طبيعي !!!
يمكن لو انسألت عن هالتبديل قبل عرض العمل جان قلت مبارك خميس افضل و انا مغمض
بس الحين و مع آداء مبارك خميس المتميز جدًا مو قادر اتخيل الشخصية على شخص غير الحساوي




عبدالعزيز جاسم لو اخذ الشخصية ماعتقد راح يتغير شي !!!
خاصة انه اداء الجاسم في مثل هالمسلسلات التراجيدية الممزوجة بالكوميديا خورافي




اهو و علي جمعة واحد لأنه الاثنين اعمالهم ماصخة في السنوات الاخيرة باستثناء دورين لعلي جمعة في "الخراز" و "دمعة يتيم"