[مكسورة وتبرد]

المشاركة الأصلية كتبت بواسطة بحر الحب

هبة من الواجب عليها الظهور للاعلام لكي تبين وجهة نظرها ..
بغض النظر ان كان الامر اقتباس او سرقة او توارد خواطر ,, فهبة تأخذ في اعمالها مواقف واحداث درامية تكون في اعمال اخرى , او الديكور العام لقصص بعض اعمالها يكون من اعمال اخرى ..
لكن السيناريو والحوار كله يكون من جهدها وابتكارها واتحدى من يثبت عكس ذلك ..
وهذا سر ابداعها من ناحية , وعدمه من ناحية ثانية

بصراحه اخالفك الراي اللي اشوفه سرقه عيني عينك مو توارد خواطر هالشي واضح للغافل

شفنا مشهد كامل من مسلسل اميمه من دار الايتام ملطوش لطش من نهاية فلم العفاريت يعني معقوله توارد الخواطر حتى بمشهد كامل نفس الاسلوب والنهايه شي ما يدخل المخ

وعلي مآخذ وايد لهبه حماده ماكو عمل سوته من فكرتها كلشي ملطوش وتنسب هالشي لها وهالشي بالنسبه لي اشوفه غير اخلاقي عيب الواحد ينسب عمل لنفسه وهو مجرد ناسخ من دون استئذان ولا ذكر المصدر !!

ومسلسلها اقرب للافلام الهنديه انا اشوف اللي قاعد يصير انحدار للدراما الخليجيه للهاويه


وبالنسبه للحوار والسيناريو انا اخالفك الراي كثير من حواراتها مبيوقه اشكره وعندي مثال واضح لهالشي

مشهد كامل من زوارة خميس مأخوذ من اعلان تخيل اعلان

اعلان الياهل اللي يوري لابوه الملحق اللي راح يحطهم فيه نفسه نسخ لصق نفس الحوار والمشهد عيب جذي بصراحه ما اشوف لهالكاتبه اي ابداع مجرد ناسخه وحتى حواراتها سطحيه وطابور وكل واحد يقول نفس الجمله بس باسلوب ثاني قمة الملل


افضل كاتب في جيلنا الحالي عبدالعزيز الحشاش احس هالانسان مو ماخذ حقه حتى بعرض مسلسلاته وهبه خذت اكبر من حجمها بصراحه

الحشاش شفنا له عيون الحب و ايام الفرج قمة بالروعه وما اخذ حقه اعلاميا ...