[المزيونة2]

يا اخوان استهدوا بالله ترى السالفة ما تسوى ولا تلومونها لوموا الدلخ اللي وياها والا في ريال محترم يخلى زوجته تستعرض جدام اللي يسوى واللي ما يسوى والرياييل حوالينها يضبطونها بالمكياج واللبس وتقول حق هذا وذاك حبيبي ..التسجيل مو مفبرك والناس كلها تعرف إنها مصطنعة سواء بالمكياج او الدلع ( طبعا إهيا جميلة آنا ما أنكر ) لكن مع أسلحة الحريم الفتاكة صارت حسناء ( شعر مستعار / عدسات ملونة / رموش تركيب / مكياج كامل / حواجب مرسومة / كورسيه لشد الجسم / كعب عالي / وآخرا وليس أخيرا الدلع الزايد لحد الملاغة ) فصارت نجمة الخليج ( طبعا عند الشباب ) وعدوة الحريم (عند المتزوجات )
والصدمة الكبيرة مو لأنها بينت إنها مزيفة بالمكياج والأسلوب لكن الصدمة كانت لما شفنا شخصيتها الحقيقية وماراح أذم أكثر حرام بس أقول الله يهديها ويهدي أمثالها من بنات الديرة
وان شاء الله تتأدب ولو شوي مع الغير وتحترم نفسها
وآنا متأكدة إنها راح ترجع مثل أول لأن زوجها والمنافقين اللي حواليها راح يشجعونها تستمر وإهيا شخصيتها قوية ماراح تتأثر ولا راح تعتذر للشعب السعودي والاردني ولا للصومالي اللي قالت عنه شحات بمجرد إنه عايش بلندن
استغفر الله العظيم ويا جماعة ركزوا عالعشر الأواخر أبرك لكم
ونتمنى يكون هالعيد عيدين ( عيد الفطر وعيد تحرير ليبيا )
أعتذر على الاطالة وكل عام وأنتم بخير
ويا الشعب السعودي أنتم تاج راسنا

والشعب الأردني أخوانا وحبايبنا