[أبيك و ما أبيهم .~]

يعطيك ألف عافية اخوي على الموضوع القيم جدًا


اتفق معاك بكل النقاط الي ذكرتها الا نقطة وحدة الي هي مسألة الثلاثين حلقة .. أكيد اهي اهم الاسباب لتدهور الدراما العربية مو بس الخليجية !!! بس ماجوفها سبب لأخطاء المسلسلات لأنه المخرج و أخطاءه بتصير في المسلسل سواء 15 حلقة أو 30 حلقة


و بالنسبة لأخطاء مسلسلات السنة للأمانة انا من وجهة نظري هالأخطاء موجودة سنويًا
لكن الفرق انه هالسنة "الشو" و "الأضواء الاعلامية" على الاخطاء زايد من خلال تويتر و الصحف و حتى برنامج "سرى الليل" اجوفه له دور بهالشي لأنه ما شاء الله أغلب الاخطاء قاعدة تنقال في البرنامج


و بس عشان نكون ايجابيين اتجاه الدراما الخليجية لأنه مع نزول مستواها السنة بشكل ملحوظ عن السنوات السابقة إلا اني اجوف في ايجابيتين تستحقان الذكر

1. اجوف في تطور كبير في الأعمال الخليجية هالسنة من ناحية تقنية الصورة و نقاوتها و جماليتها و حركة الكيمرات

2. منتجين المقاولات الفنية "خالد البذال - نايف الراشد - فجر السعيد ... و ربعهم "
قلت أعمالهم هالسنة و اتوقع نهاياتهم جربت خاصة انه المشاهد صار أوعى من قبل بشكل كبير و الأعمال الرخيصة ما قام يرضى بها + تلفزيون الكويت سوى خير لما الغى نظامه السابق لأنه كان يلم "خمام" المنتجين السنوي و يحطه في رمضان