مساء الخير
احب اهني الجميع بمناسبة قرب حلول عيد الفطر المبارك
واقول لهم كل عام وانتم بخير ومن العايدين ان شاء الله
الحلقه الاخيره من مسلسل بو كريم ستكون كالتالي :
بوكريم والسبع حريم راح تكتشفون بالحلقه الاخيره انه ما فيه اي صلة قرابه بينهم
كلهم هجوا من اهلهم بمعنى آخر " لاجئين " وتجمعوا بذيك الخرابه وعاشوا مع بعض
بوكريم :
معارض امريكي قام بالهروب من الولايات لانه صوته غير مسموع فيها ولجأ للكويت ينتظر اوباما يموت او يشلعونه من الكرسي
وراح يرشح نفسه للرئاسه الامريكيه وبينجح بالانتخابات بنسبة 62% من اصوات المنتخبين
وبيحل الازمه الاقتصاديه الامريكيه وبيرجع الجنود الامريكان من العراق وراح يسهم إسهام كبير في حل القضيه الفلسطينيه
وبيعلن امام الملأ انه الرئيس السابق " باراك اوباما " لم يقتل اسامه بن لادن ولا هم يحزنون
بل كانت فكره غبيه منه محاولاً بها الفوز بالانتخابات والترشح للرئاسه مره ثانيه
وانجازات كثيره راح يسويها " آدم " بس ما راح اقولها لكم اخاف احرق عليكم المفاجأه
البنــات /
الماسه :
اللي يدها على مزاجها مره مشلوله وما تحركها ومره تكنس فيها الحوش وتشيل فيها الصحون اللي تبرعت فيها لهم وحده ميته من عام الفيل
المهم .. بالنهايه بتطلع هي الحرمه الغنيه اللي كانت مرت ناصر ( حصه )
ولعبت عليه هي واهلها وقالوا لـ ( ناصر ) انها ماتت عشانها كانت زعلانه عليه وتبيه يعرف قيمتها ومدى غلاها
وولدها بيطلع مو آدمي بل من فصيلة الجن الطيارين استعانت فيه عشان تداري على روحها وما احد يكفشها انها هي نفسها حصه
ذهبه :
سلمكم الله هالحرمه لاجئه من كوكب بلوتو ، اختارت كوكب الارض كـ ملجأ لها عشان ما احد يعرفها فيه
وطبعا مخلوقات كوكب بلوتو ما يموتون ابد ولا يكبرون ولا يشعرون بالشيخوخه حتى تلاحظون انه قلبها وقف بعدين رجع لها النبض
اصلا القلب حقها مو قلب بشري ، لانه زي ما قلت هي مش آدميه 100%
بس الاوضاع السياسيه والامنيه بتتحسن بكوكب بلوتو وبترجع مره ثانيه لاهلها وناسها وبتصير رئيستهم
مرجانه :
ما فيه شي بالوجود اسمه مرجانه ، مرجانه ما هو إلا " إلفيس بريسلي " نعم هو بشحمه ولحمه
كان بس زعلان من حبيبته خضرا وقرر انه يبعد عنها وينقلب بنت عشان تحس بقيمته
واختار الكويت لانها بعيده عن مقر إقامته ومسقط رأسه اليمن
بس بعدين بتكتشف حبيبته عن طريق قرون الاستشعار اللي بأذونها مكانه وبتاخذه معها لبوركينا فاسو
حيث سيبدأ إلفيس بريسلي تسجيل ألبوم " آعضك لا ، اذبحك ايه 2012 "
كهرمانه :
هي بالاصل مش انسانه بل نعناعه ، قامت بتحويل نفسها لهيئه بشريه عشان تبي تتعرف على عالم الانسان وخباياه
ياقوته :
هذي بتطلع كيت زوجة ويليام ولي العهد البريطاني ، بعد طلاقهم هجت من بريطانيا وراحت بعيد عشان تنسى حبيبها اللي طلقها
لكن بالنهايه بيطق باب بيتهم بيتهم وبتفتحه وبيطلع هو وبيرجعها بمهر جديد وشبكه جديده
ويجيبون الماذون ويملك عليها من جديد ويسوون عرس جديد اكبر من هذاك
وبيختارون موضي الشمراني عشان تحيي لهم الحفله مع نخبه من ابرز الفنانين الشعبيين بالخليج
فيروز :
هذي سلمكم الله مسافره عبر الزمن وجايه من عصر الإغريق
قصتها انها تهاوشت مع آلهة المطر حقتهم وحلت عليها اللعنه وحولتها لآدميه وشاتتها للقرن الواحد والعشرين
لان آلهة المطر اكتشفت انها على علاقه مع ابن إله النهر اللي كانت آلهة المطر منجنه تبيه بس هو يحب فيروز
وعشان كذا نفتها لزمننا الحالي ، وللاسف ان نهايتها راح تكون مؤلمه لانها راح تحبس نفسها بكهف لين تموت
جوهره :
هذي اصلها دميه خشبيه صنعها شايب عقيم ما عنده عيال ، وبقدرة قادر سبحان الله تحولت لانسان ولد
بس بعدين تكتشف ان الشايب اللي صنعها عنده عيال لكنه يعتقد انه عقيم لانه مصاب بالزهايمر
وبيموت الشايب وبيورثون العيال ولا راح يعطون جوهره شي مما يضطره الى الهجره وترك موطنه الاصلي
فيصل :
بيطلع هو باز اللي في توي ستوري بس متنكر متزاعل مع اخوياه الالعاب لانه فيه بنت اشترتهم وصارت ما تلعب فيه
فقام قال ( والله لا اربيكم يا عيال ابليس ) وانقلب آدمي وراح عند كريمه
ويوم يقول ابي اسافر كانت طاقه كبده من حياة البشر وبلاويها وحس بالنعمه اللي كان فيها ورجع لاخوياه مره ثانيه وتزوج باربي
وفيه بعد احداث كثيره بس ما ابي احرقها عليكم
=)