[محامي القصبي]

المشاركة الأصلية كتبت بواسطة الشبل

مو فقط في 37 درجه و في عيال قرية بعد كونك تقول ان ناصر تفوق على ابو عدنان اعذرني فـ إنت ما تعرف شي عن الفن لأن ابو عدنان تاريخ لحاله و إسطوله لحاله فـ حتى الرواد و الكبار امثال سعد الفرج و النفيسي و المفيدي ما وصلو له تبغي القصبي إلي ما صار له عشرين سنه و هو في طاش مطاش يتفوق عليه !!

تكلم بالعقل عزيزي اما انك محامي للقصبي و تبالغ في مدحه فهذا مو شغل المحاماة لأن مستحيل اي فنان عربي يوصل لمواصيل بو عدنان مسرحية وحده مثل باي باي لندن كافية لبو عدنان ان يكون الفنان الكوميدي الأول في الوطن العربي بعد كيف لو حطينا معاها سيف العرب و فرسان المناخ و ... الخ لو اعددهم ما اخلص منهم

و كون العم بو عدنان في آخر خمس سنين ما قدم شي فهذا الشي طبيعي لـ شخص بسنه مستحيل شخص في العشرينات تقارنه بشخص وصل للسبعين !! اما طاش مطاش من الحين اشوفه هبط مستواه و هالجزء نقدر نقول انه أفشل جزء للثنائي ولا حلقه كوميدية بحته !! لدرجة إني بعد ما شفت أول الحلقات مليت منه و تركته و الثنائي عمرهم صغير في الفن بالنسبه لبو عدنان و من الحين فشلو و إذا بواصلو بيفشلو اكثر اما ابو عدنان في آخر خمس سنين فقط نقول انه هبط في مستوى اعماله مو منه من النص و من الممثلين إلي معاه و ما اشك ان ابو عدنان إلى الآن عنده قدره على التمثيل بحرفيه لكن ينقصه الكاتب المميز و الممثلين الكبار مو مثل المهرجين إلي في الحب الكبير

كلامك في مغالطات كثير ياخوي
كيف تقول ان الممثل العشريني افضل من كبير السن او نقارنه ومن هالقبيل!! ليش هو لاعب كورة قدم !!!
ياخي الممثل او الفنان كل ماكبر كل ما صار أفضل وأفضل بالعكس ابو العشرينات اللي يحتاج للخبره وكيف يطور نفسه
ثانياً تقول : بان طاش مافيه هالسنة ولا حلقة حلوة او ولاحلقة كوميدية وفي اخر السطر تقول لدرجة اني ماتابعت الا أوله !!! طيب ليش تحكم على مسلسل كامل بسبب اول الحلقات !!

عموما انا أتكلم بعقلانية ولست ادافع انا احب ابو عدنان كثيراً ولازلت اقول بانه هو من يتربع على عرش الدراما والمسرح ولكن مسئلة تفوق القصبي هي بالاداء فقط وليس بالتاريخ
ولا احد قادر على إنكار تاريخ ابو حسين ومسرحياته وفنه الجميل