[هزُلت !]

هلا وسهلا فيكم
شلونكـم شخبـاركـم عسى الكـل بخير

في الآونه الاخيره كثرت سرقات المدعوه " هبه مشاري حماده " وكل مالها تتبجح اكثر وتصير عيني عينكـ !
يعني ما شاء الله عليها صرنا نعرف من وين سارقه فكرة المسلسل من اسمه

تقول ان فكرة السرداب انفجار سفينه نوويه في دوله من دول العالم الثالث " فكره امريكيه "
مما يؤدي الى لجوء مختلف افراد المجتمع في سرداب واحد " فكرة الارهاب والكباب "

تستهبل علينا هي ولا تستهبل
اخاف انها مصدقه انها كاتبه اديبه عريقه ما فيه زيها هالعبيطه
استغفر الله اللي يشوف مقابلاتها يحس انها مختله عقلياً

تدرون وش مشكلتها ؟ مشكلتها انها تعتقد ان الجمهور بس همه انه يناظر الحريم ولا يهتم للقصه والحوار
وهالشي واضح طبعا من تكويمها لثلاثة ارباع ممثلات الكويت
ورجاءً لا احد يقول لي استفتاءات وخرابيط .. الله يعافي الواسطات !
ولا يجي احد يقول المسلسل بعده ما نزل
خلاص من عام 2008 وحنا عارفين عقليتها المسوسه وخرابيطها ما يحتاج ينزل المسلسل

وترى الفن على قولتهم بالنسبه لهم " تجاره × تجاره "
طبعا اقصد بـ هم الاخت والمنتج حقها والمخرج ... إلخ
ما فيه شي اسمه فن !!

وانا اعلن من هذا المنبر مقاطعتي لمسلسلات " هبه "
والله لو تجيب نور الشريف وعادل امام ما طالعت لها مسلسل
يا خسارة الوقت اللي ضيعته وانا اتابع خمبقاتها !!

وعلى فكره .. انا عنـدي اقتراح حلو ومريح لنا ولها وللي معها
ان شاء الله بطرحه قريباً في موضوع ثاني !