[بحر الحب]

المشاركة الأصلية كتبت بواسطة هرول

المشكلة مو من طارق ولا من منافسه المسلم
المسلم يقدر يقدم لك مسرحية ماتحلم فيها وطارق يقدر يقدم لك مسرحية ماتحلم فيها
بس الاثنين ضحية لعبة قذره الهدف منها اسقاط شيء اسمه مسرح بالكويت
الاثنين مايقدرون يبلعون ريقهم ، ترى كل سنة مسرحية مو سهله
اتمنى من الاثنين يجلسون مع بعض ويحلون هالمشكلة بعرض مسرحية كل ثلاث سنوات
او يجي تدخل خارجي وتمنع الاثنين من شغلت كل سنة مسرحيه وتخليها ثلاث سنوات
المسلم وطارق هم هيبة المسرح الخليجي حاليا
محاربتهم لاتعود بأي فائدة على المسرح الخليجي بشيء
نزول مستواهم هو ماجعل جميع المسارح في الخليج تهبط مستواها
xواتمنى رجوع مسرح المسلم ، الرجال ذكي وله سوابق بالمسرحيات الضخمه والناجحه
وطارق مخه نضيف وعارف ودال طريق المسرحيات الناجحه وله سوابق رائعه ولا تنسى
وتعليق اخوي محمد العيدان بالصميم ، قصر نفس النصوص دليل على ان طارق مايبلع ريقه ويحاول ينزل بأي نص
ويعتمد على قدراته الخاصه ، لو كان النص قوي وذا نفس طويل لارتاح طارق وعمل بناء على ماهو مكتوب بالورق

صدقني لما الجمهور ينتقد اعمالهم فهو لا يريد مسرحيات عظيمة بمستوى "باي باي لندن" أو "فرسان المناخ" أو غيرهم ..
أضعف الايمان من طارق تقديم مسرحية يحترم فيها الجمهور ذات قصة ومضامين ولها بداية ووسط ونهاية أفضل من هذا التهريج ..
والمسلم لا تعليق , تكرار قاتل لا يطور من نفسه وحرق افكار قدمها لمدة عشرين سنة

واتفق معاك على وجوب التوقف المؤقت ..