[هرول]

المشاركة الأصلية كتبت بواسطة كاظم

طارق العلي في رايي هيبة المسرح الخليجي على ربعه اللي طايح فيهم وليس علي اللي تركوه او اهو تركهم ...النص اهو رفع طارق العلي وطارق العلي دمر النص ودمر نفسه فنيا بالفتره الاخيره ... الموهبه اذا يقدر ينميها بنفسه ما يدمرها يعني يواجه الصعاب ... كما فعل عبدالحسين عبدالرضا لاخر لحظة لم يترك حياة الفهد واخر مسرحية او قبل الاخيره كانت معاه حياة الفهد ومجموعه كبيره من الممثلين وكان يكتب لنفسه واغلب مسرحياة بوعدنان ناجحه ومعظمها من تأليفه .... طارق العلي نعم هيبة المسرح الخليجي لكن على القروب اللي معاه وهو مرتاح على جذي كل سنة يمثل شنو وراه عكس بوعدنان يشوف مصلحته ويحافظ على تاريخه المسرحي .. هل لاحظت الفرق بين بوعدنان وطارق العلي انا لا اقارن بينهم اطلاقا ولكن أبين لك الكيفيه !!! ... هذا رايي

شف ياكاضم مخ طارق العلي تركيبته ,,, ماني مسوي الا الي براسي وانتو ماتفهمون شيء
انا اهم شيء عندي اضحك الجمهور .
وخارج النص هو قمة الابداع الفني للفنان ..
العالم سنين وهم يهاجمون فيه وماطلعو بنتيجة ومن اسفاف الى اسفاف
يعني مهاجمة مسرح طارق لن تعود على المسرح الخليجي الا بنكسة ووراها نكسة اقوى
الحل ... اعطاء طارق العلي الحلول
فهو بالاول والاخير مو ممثل ... هو بالاساس كوميدي ستيج وهو معترف بهذا الشيء
والكوميدي ستيج هذي تركيبة مخه .. لو تعطيه مشهد تراجيدي ويحتاج لتعابير واداء حزين
بنص المشهد يقلبه لك مشهد مضحك ويضحك الجمهور
لانه كذا .. موهبته كذا .
اتمنى يكون فيه تدخل من الحكومه الكويتيه ... بفرض مدة على مسرحيات طارق العلي
يعني شغلت كل سنة مسرحية جديده هذي يوقفونها
كل ثلاث سنين مسرحية بتخليه يركز بالكيفيه .. وكيف يخلي الجمهور يدخل للمسرحية اكثر من مره
سالفت كل سنة مسرحيه والباب مفتوح قدامه .. هذي بتخليه يقدم الي يببيه .. لانه مايهتم بموضوع حضور المشاهد لاكثر من مره
حتى لو ماعجبته بالطقاق .. اهم شيء دفع .. هذا المهم
والسنة الجايه مسرحيه جديده ونفس المشاهد المتذمر بيدخل مسرحيته لانه طارق عارف السوق ,,, وعارف منافسينه .. باالله من الي بينافسه؟
عبدالرحمن العقل والعجيمي مثلا؟ والا البلام وعبدالناصر درويش مثلا؟
مافيه الا المسلم قدامه .. والمشاهدين يتنقلون بين هالمسرحين
والاثنين طارق والمسلم بنفس التفكير
كم بدون كيف .. كل سنه مسرحية
والحسابه بتحسب
وهذا الي اقصده من ناحية هيبه ... لو فيه مسرح منافس لمسرح طارق والمسلم .. هاته ودلني عليه