[الدنيا لحظة]

اوبريت مداعبات قبل الزواج



أوبريت مداعبات قبل الزواج، اوبريت غنائي جميل جمع الثنائي عبد الحسين عبدالرضا وسعاد عبد الله، قدم في العام 1975 وهو الجزء الأول من ثلاثة اجزاء لهذا الاوبريت.

صاغ الحان وكلمات هذا الاوبريت الملحن الكبير أحمد باقر واخرجه للتلفزيون المخرج سعيد عياده حقق شهره واسعه وكبيره في الخليج العربي بالذات بسبب حبهم القيم التي يحملها الاوبريت وهي قيم إنسانيه بسيطه


قصـته

تدور حول راشد الإنسان البسيط الفقير الذي يعمل محصل للكهرباء يعجب بالفتاه الرقيقه والجميله أمينه أو أمون كما اشتهرت في هذا الاوبريت. يأتي راشد يومياَ الي بيتها متذرعاً بتحصيل الكهرباء وهو يأتي فقط ليراها ويداعبها وترفضه بالبدايه إلى أن يغني لها فتعجب وتنجبر فيه وتقع في غرامه.


كلمات الاوبريت


امون :

ياربي شهالاذيه والله دوخة راس.. ترى عويذ الله من شرك يا ولد الناس تادب يالله عاد ويهد.. تراني اكرهك يا ولد..و لافكرت احبك ابد جبح هالويه ما تعجبني هالاجناس

راشد :

اعجبج ولاما اعجبج تراني ياي.. لأبوج اليوم اخطبج واسحبج وياي انا شفتج وحالي دمر.. وقلبي من مكانه طمر انا اليريور وانتي بحر.. ومن دونج حياتي ليل وانتي سراي

امون :

اشوفك جنك مسبه وفكرك داج.. ولاتدري شكثر سببت لي احراج اه يا مسيكين اثاري تحب.. ومطلوبك طريقه صعب.. بنات الناس ما هي لعب تحبني انت شكثر علمني جانك صاج

راشد :

احبج.. احبج.. احبج كثر ما يحب الطفل للطيور احبج.. احبج.. احبج كثر مت يحب القطو الصبور

نعالي وافهمي طلبي.. وحكريني بقفص ذهبي و إذا ما كو قفص ذهبي انا ماعندي حتى لو قرقور

امون :

يا حافظ عاد قرقور.. انت راسك داخ اقل ما فيها نصنع لك قفص من شاخ اظن مو مشكلتنا قفص.. ولاتفكر حجينا خلص ولا هالويه شينه نقص.. واخاف انك على هالويه أبو شلاخ

راشد :

انا ماني حلو لكني ماني شين و لاني من اللي يلعب على الحبلين احب بيتي احب عملي.. وانتي منيتي واملي تعالي نستوي فاميلي بنص دينار وبالج تطلبين الفين

امون :

عبالك بتزوج بس جذي ببلاش.. اظن لو تسمع اللي بطلبه بتنحاش ابي فيلا على طلبي.. قسم غربي وقسم عربي و ابي سياره ويا صبي.. وابي تعلمني كم باليوم ربحك كاش

راشد :

انا عايش على قدي وعندي بيت و عندي موتر صغير ولا له ليت انا بالليت مالي شغل.. إذا صار المغرب بظل في وسط البيت ويمي نقل اكسر وانتي يمج هالكثر برميت

امون :

جذي دمك خفيف مصيبه مدري شلون بديت اشعر بإنك احلى مافي الكون

راشد :

عيل ليش التغلي عيل و الشروط اللي جنها جبل

امون :

بطفرك ما نبي الا دبل

و اهلنا لي تفاهمنا ترى بيرضون

و ينتهي هذا الجزء وهما يرددان : واهلنا لي تفاهمنا ترى بيرضون

مقطع من الاوبريت




=======


اوبريت شهر العسل


أوبريت شهر العسل، وهو الجزء الثاني من سلسلة ها الاوبريت قدم في عام 1978 وهو الجزء الأجمل من حيث تطور القصه وتعدد الالحان، هذا الجزء استمر في بطولته الثنائي عبد الحسين عبد الرضا وسعاد عبد الله ولكنه من إخراج المخرج الكبير فيصل الضاحي زوج الفنانه الكبيره سعاد عبد الله، أيضاً هذا الجزء حقق شهره كبيره وقد يكون الجزء الأشهر من سلسلة هذا الاوبريت



قصته
تتطور القصه ويتزوج راشد وامون وبعد هذا الزواج تبدأ المشاكل من تذمر الزوجه من فقر زوجها والغاءه لشهر العسل ويتطور إلى مداعباته لها فترضى لكن سرعان ما تغضب بعد أن يبدأ في ذم والدها فترد هي عليها بالتذمر من امه وينتهي الاوبريت بتصالهحما وبقاء الحب بينهما



كلمات الاوبريت
يا امون يا حلو العسل.. وين العسل.. شايف انت الحين انت جدامك عسل.. اجل اجل.. صارلي جم يوم ناقع بالعسل..بس موذاك العسل مال النحل.. شنهو عيل.. العسل مال الشهر وهلاله هل.. شهر العسل. ايه يبه شهر العسل.. شهر السمر.. شهر السفر.. السفر والنور من حسنج ظهر جنج فنر.. بتغيشم قصدي مو نور الفنر.. قصدي السفر.. ايه مو قلنا نبي نعيد النظر.. وش هالخبر.. عاج يا شين اللي وعج نكر.. خو ما كفر.. واعدج واليوم فلس وانجبر.. يلغي السفر.. والصبر امون ما منه مفر.. لو جم شهر.. يالله قومي الحوش واخذلج صور.. That is Beteer.. ايه روح بحوشنا يم النهر.. تحت الشير.. انا ماعندي بخت مثل البشر.. والله قهر..

ليش زعلانه جذي وش اللي حصل.. مركبج طبعان ولاما وصل.. لاتحاجيني ترى دمك ثقل.. هذا مو شهر العسل شهر البصل.. لا لاتطرين اسمه هالغبر..ما ابي يبقى له في مطبخنا اثر.. خلي بالج لي خلص هذا الشهر خلي بالج.. عدي الشهر الياي هو شهر الشكر.. واللي عقبه الدبس.. واصناف الثمر.. والفواكه كلها.. ورقي حمر.. شتقولين بهالطريقه يا قمر.. كل شي في شيره نسويله شهر.. المهم الحب لي منه استمر.. يستمر هذا الشهر.. دب الدهر.. لين يجي يوم ونبخصه..كل شي يضعف هقوتي.. حتى العقل واصير انا حقج عصا.. هاو ليش يا حسرتي.. شوفج يقل.. بس ليش مو انا العصا.. وانا شنهي شغلتي انت الطبل.

ذيك الساع يا امون.. ولما احفادنا يكبرون.. وتوهم بالعسل يبدون.. واحنا وقتها شنكون.. ذيك الساع يا امون.. ناكل البصل مطحون.. قومي يا امون شوفي التيلفون.. يا حليل أبوي.. يسأل علي.. امنوه وين راح أبوج راح الجبره.. شييبلج ؟؟ خيشه بصل.. خيشة بصل.. بس.. ويبس.. ييبس عظام العدو من عرفتك وانت حاط دوبك ودوبه هالابو.. لا تلوميني ترى مو مني.. هالتصرف صار غصب عني.. أبوج يوم اني اخطبج جنني.. لولا تفكيري وعقلي وفني.. جان ولد الكبش خيب ظني.. قايلتلك يوز من هالربربه.. هم تنرفزتي شقلنالج يبه.. قول يجرحني ولازم تسحبه.. تقصدين الكبش حاضر نسحبه..

أبوج يا عمري عسى عمره يطول.. يوم رحت اخطبج منه قام يحوس.. قلتله وانا على خبرج خجول.. الزواج الحب مو زود الفلوس.. قام يحقرني ويقول انت مهبول.. يايني يالهيس تعطيني دروس.. لو تنقص فلس واحد ماقبول.. ما يفيد بهالزمن غير الفلوس.. قاصره يحطج ويصيح بجم اقول.. بجم اقول بجم هالبنت العروس.. المهم اني عطيتك خطة من راس عاشق.. انت أبوي ارهن بويتك وامي تقنعه ويوافق.. وافق المسكين ليتك تعذره ما كان واثق.. ياب الفلوس وعطاني اياهم.. جان تبيهم تراهم كاهم.. قوم ودهم.. والفوايد ماهم لازم فلوس الربا وياهم.. أبوي حمدلله فلوسه زايده وعمره ما ياخذ من أحد فايده.. وان سأل عن هالفلوس الوايده.. قول بعت البيت ماني برايده.. جان يفلعني وهذي جايده.. عيا اصبر جم شهر

وشلون نبني ؟.. بين ناقص دور بنيانه نهبني.. رحت للبنك ابي سلفه وما وهبني.. قالي وين ورقة بيتك يا ابني.. عند أبوي اطلبها منه وان جحتني.. ما يجحتك روح جرب.. قول بنتك طرشتني..يعني فكرج ما يعصب.. تبيو تورطني لقتني.. هذا واحد ما يوجب.. لي صرخ بطني لوتني لي صهل بطني لوتني.. نظرة عيونه تكهرب وارتجف لي طالعتني.. يالله بسك لا تربرب.. زين بل كلتني.. ليش ويهج صار مرعب.. ليش يعني محاربتني.. صارلك ساعه تعيب.. ناسي امك يوم يتني ويوم يت البيت لأمك وخطبتني.. واي يا امك يوم انها اشبكتني.. يعني بتسلم علي وخرعتني.. وامردتني وامرستني واقرصتني.. قمت اصرخ يمه فكيني ذبحتني.. ما كفاها كل هذا وغافلتني.. حطت ايديها بشعري ومجعتني.. جان ادزها لوما امي جودتني.. جان امجعها مثل ما مجعتني.. امي يوم انها رجعت ما علمتني.. ليش سوت لج جذي.. يعني فحصتني.

وفحصت روحج إذا روحج هوتني.. هاه.. وفحصت روحج إذا روحج هوتني.. لا.. ولاقلبج ؟.. ولاحتى سألتني.. والله ما قصرتي يا يمه.. فحصتيلي امينه.. البودي كله تفحصينه وتحلين المكينه.. ويرددها كثيراً. قعدي امونه علامج واقفه.. بعدي ما كملتلك هالسالفه.. امك اللي تقول عنها ما تعيل.. قاعده وحق التنغز طارفه.. ناشبتني ليه شعرج مو طويل.. ليش يا بنيتي خدودج ناشفه.. واهيا ليش انها متينه وجنها فيل.. عاد تسألني علامج ضاعفه.. امك اللي انشاف منها مو قليل.. عن كلام الزين امك حالفه.. مستحيل انسى فعلها مستحيل.. ذول ناس كبار مثلج عارفه.. وانا وياج جمعتنا العاطفه. ما تفرقنا سوالف هايفه.. وجان زعلانه وراسج ناشفه.. انا اسف.. وانا أيضاً أسفه.


وهذا الاوبريت كامل





يتبع