صباح الورد 
حياة الفهد وسعاد حسني وسعاد عبدالله شلون ابتدو ؟!
ممثلين عاديين وبعدين صارو نجوم يعني مومن أول دور لمعو !! ومثلهم نجمات الجيل اليديد بعد 20 سنه ممكن نشوفهم بهالمكانه وممكن أكبر ،،
شوجي ماأشوف القسم هني مادحينها ولاهم يحزنون بالعكس النقد يايلها قبل لاإيي غيرها والمواضيع + الردود تشهد ،،
اقتباس:
المشاركة الأصلية كتبت بواسطة ياقلبي ابتسم
 نقاط سريعة * أتمنى من الكاتبة المتألقة هبة حمادة أن تغيير طريقتها المستهلكة في كتابة المسلسلات وأن تأخذ مسار جديد بعيداً عن شلة البنات التي تعودت عليهم . |
في مسلسلها اليديد نفس شلة البنات تقريباً 
،،
اقتباس:
المشاركة الأصلية كتبت بواسطة ياقلبي ابتسم
يظل الفنان المتألق خالد أمين من أفضل ممثلي الخليج في الأونة الأخيرة . |
أتفق وياك
اقتباس:
المشاركة الأصلية كتبت بواسطة ياقلبي ابتسم
أتمنى إستمرار التألق والتميز في المسلسلات القادمة للكاتبة وداد الكواري . |
كاتبه جيدة ولكن ماسوت بقوة مسلسلاتها القديمه !!
اقتباس:
المشاركة الأصلية كتبت بواسطة ياقلبي ابتسم
سقطة لقناة الأم بي سي إدا أستمرت في عرض ( المزواج 2 ) وممثلة المتصنع بدرجة غير متوقعة ( الصيرفي ) |
المزواج ، سليم ودستة حريم !!
MBC لاجديد ،، من زمان الدخيلين عالفن يلاقون نفسهم فيها !
اقتباس:
المشاركة الأصلية كتبت بواسطة ياقلبي ابتسم
* ( هدى حسين ) أجمل من يؤدي الأدوار بكامل حذافيرها ( فعلاً مميزة ) . |
ممثله متميزة ومن أفضل بنات جيلها اذا ماكانت أفضل من الجيل اللي قبلها بعد !! بس ماحبيت هالسنه مبالغتها بالانفعال وتعابير ويهها !! واتكلم عن دورين علمني كيف انساك + الملكه ،،
اقتباس:
المشاركة الأصلية كتبت بواسطة ياقلبي ابتسم
أتمنى إيقاف طاش ما طاش وتفرغ ناصر القصبي لمسلسل آخر من بطولته فهو مبدع وأفضل ممثل كوميدي خليجي يقنعك في حركات الوجه والأسلوب |
شفنا ناصر بمسلسل عيال قرية + 37 0 يعني وسط !
طاش محتاج كتّاب لأنه مسلسل ناجح بس بالفتره الأخيره طاح بفخ التكرار ومواضيعه متشابهه ،،
اقتباس:
المشاركة الأصلية كتبت بواسطة ياقلبي ابتسم
( هبة الدري ) بعد كل سنوات التألق في مشوارك ترضين بأن تكون أحد شلة البنات وكذلك الحال ( لمياء طارق ) و ( إلهام فضالة ) ؟ |
ليش تحسسني ان هبه الدري ميريل ستريب ؟! صارلها سنوات شبه مختفيه !! ( بغض النظر عن نجاح او فشل بوكريم ) بس لاننكر انه رجّعها للأضواء مره ثانيه والدليل العروض اللي يتلها بعده "حسب ماقالت بسرى الليل" ،، ايضاً لمياء طارق رجعت للأضواء بزوارة واميمه والحين بوكريم بعد ماكانت شبه مختفية بمسلسلات سعودية درجه ثانيه وثالثه !! + أعمال اقل من عادية ،، لمياء كانت لها مشاركتين بمسلسل عماني ومحد التفت صوبه وهبه الدري بإثنين في الاسعاف ومسلسل ثالث مر مرور الكرام !! اما الهام الفضاله شلة البنات وايد ابرك من التفاهه اللي اسمها باب الفرج 