[دلال ومدللّك]

السلام عليكم ..

هاذي أول مشاركه لي بالمنتدى بالصدفه شفته للامانه كنت ادور بقوقل معلومات عن ساهر الليل الجزء الثالث جان ادش على الموضوع واقرى وحيل عجبني المنتدى وطريقة الطرح فيه ،،

انا ما اخفي عليكم من اشد المعجبين بساهر الليل الجزء الاول والثاني ومتشوقه للجزء الثالث ..
لمن عرفت من الكاتب ان راح يسوي ساهر الليل عن كل حقبه زمنيه كنت اتمنى ان يسوي مسلسل عن الغزو وااايد كنت اتمنى هالشي وكنت احاول اوصل كلامي له عن طريق الكومنتات واخيراً صرح ان راح يكون عن فترة الغزو
احنا باشد الحاجه لتسليط الضوء هالفتره على احداث الغزو وتماسك الكويتيين ودور الشهداء والوحده الوطنيه ودور المرأة مع الرجل اثناء المقاومة علشان الجيل اليديد يعرف هالشي ويتعلم لانهم ماعاشو هالفتره ولا شافو كميه المراره التي تعيشها الاسره الكويتيه بكل يوم اثناء الاحتلال الغاشم يعني انا ايام الغزو كنت توني 3 سنين مادري عن الدنيا وكنت اسمع قصص من عايلتي عن الغزو واشوف تصوير الفيديو واشوف البرامج اللي كانت عن الغزو بس هم بحاجة المسلسل ابي اشوف شلون يتصرفون شنو كان حجيهم عنه ..

بس اتمنى شي واحد من المخرج والكاتب انهم لا يعتمدون على مجهودهم الشخصي بس ! لازم يستعينون بكتاب التاريخ الكويتي والاستعانه باكثر من مصدر مثل الكاتب خالد الرشيد وغيرهم علشان لازم عمل مثل ساهر الليل يناقش الغزو لاازم يكون اقوى من الاجزاء اللي قبل وماااااااااااااافيه أخطاااااااااااااء اخراجيه ولا اخطاااء بالكلام او الاغراض ..

وبالنسبة لاسم العمل وايد عجبني واسم ساهر الليل مو شرط ساهر الليل على الحب للحبيب بالعكس ساهر الليل على حب الوطن على شوقي للوطن على خوفي للوطن اي واحد لمن يسهر الليل له شي شاغل باله

بالانتظار يا فهد العليوه ودحام الشمري انتو قد هالمسؤوليه والكويت تستاهل عمل راقي قوي يقدم للشعب الكويتي ويذكرهم بالوحده الوطنية وشلون التضحيه لاجل الوطن واتمنى التصوير يبتدي مبجر لانهم كل مره يضغطون نفسهم برمضان وفي اخطاء تطوف عليهم واشكره يبن العمل ان في سرعه بالاحداث على الحلقات الاخيره .. مثل عمل يناقش الغزو لازم يكون قوي وماخذين راحتكم بالتصوير والعمل والمونتاج