هكذا كان !
وأأأصبح 
دلق سهيل ، عش الزوجية ، شحيت ومحيت ، على الدنيا السلام ، بوقلبين ،
باي باي لندن ، انتخبو ام علي ، فرحة أمه ،
وبرامجه على رأسها فضائيات وغنائيات 
و و و و
أصبح داود الفطين !! وداوود كريمو 
!! من يصدق اللي يتصنع قبل يومين بالبرنامج السخيف فاصل ونواصل اهو نفسه اللي كان يموتنا ضحك يوم قلد عبدالله بالخير !! ،،
قبل فتره نزّلت موضوع عنه بعنوان ( نجم الأمس ، كومبارس اليوم ) وهو ماصار كومبارس بقدر ماشهرته قلّت بشكككل رهيب وأصبح حاله حال الكومبارس اللي محد يدري عنهم 
،،
من بداية تكراره "للبرامج المنوعه" وبعدها سقوطه مع ضيف الله زيد ومسلسلاته الفاشله !!!!
بيوم من الأيام كنت اشوفه فعلاً خليفة بوعدنان ، ومتنبإيله بمستقبل باهر وأصبح حاله حال جيل التسعينات مثل انتصار وعبدالرحمن العقل وزهرة الخرجي اللي تحوّلو من نجوم الى مؤدين مملّين ولكن اللي يميز داوود ان وقتها كان متعديهم بمراحل وطبعاً ملكة التقليد ساعدته جماهيرياً بالبرامج اللي طلع فيها ،،
انا عن نفسي وايد حزينه للحال اللي وصلّه !!
وضيف على الأسباب اللي ذكرتها ( الغرور ) اللي يوصله الفنّان ويخليه موشايف اللي حواليه ،، بمقابله مع حسن البلام قال بيوم من الأيام كان داوود اخوي واحنا اللي نروح ونرجع معاه بكل مكان وفجأأة صار بالمقابلات يقول انا ماعندي اصدقاء ،، !!!
وأنتصار اللي قالت مستحيل ترجع ثنائياتنا انا وداوود لأنه تغيّر وصار شرخ بالعلاقه ،،
الهوا هوانا ننطر الممثل الياي