اعمال دحّام الأخيره صارت استعراض اخراجي بس !!! ،
الكتّاب "مولهناك" اذا استثنينا العليوه وهيثم بودي !!
غير شلّته البايخه اللي مصر كل عمل يجمعهم ولايغيّر الا بنجم او نجمين ،،
نرجع للكتّاب وشركة هارموني اللي ينعرض عليها نصوص من أكبر الأقلام الخليجية ولكن اصرار دحام ماينتج ويخرج الا "للمبتدئين" غريب !! ، والظّاهر يبي يطلّع العمل من الألف للياء لنفسه والدليل اسمه قبل الكاتب والأبطال ،، وطبعاً هالشي من حقة دام ( الأطراف الثانيه راضيه ) ،،
ولكن الاختيارات الغريبه ليش !!!
يعني عمل مثل منيره مستحيل نقارنه ببعدك طيب ؟! ،
أو ساهر الليل 1 بــ أنين ؟!
ومخرج قوي مثل دحّام شلون يقبل بــ هالنصوص الضعيفه ؟!
ولا المردود المادّي صار الأهم ومافي داعي للإهتمام دام في قنوات تركض ورا اعماله !!
##
##
عموماً احسن شي هالسّنه وقّف "العمل الثاني" وشركته بتنتج ساهر الليل بس ،
ويمكن يكون السبب عشان يخرج عمل حق أحد الكبار مثل سعاد أو بوعدنان ،