[الجليب]

فجر السعيد فعلا كاتبة كبيره لكن بعدين اعمالها تغيرت كمستوى 180 درجة عن اعمالها القوية والمتماسكة قصة ومضمون واحداث ودراما مثل عمل دارت الايام اللي جمع نجوم يمكن لان ما عندها وقت للكتابة مو متفرغة مثل قبل يجوز في لقاء اعتقد قالت ما عاد عندها وقت للكتابة نعم... يعني مسلسل دارت الايام ودروب الشك وجرح الزمن وغيره اعمال حققت نجاح كبير واعطت فرصة للنجوم الشباب مثل مشاري البلام ويعقوب عبدالله والعونان ومحمود بو شهري والصيرفي انهم يبرزون واعطتهم ادوار قوية ادووها بشكل صحيح .. كأن عنوان الموضوع او الموضوع ما يتكلم عن فجر السعيد نرجع للكاتبتين هبة وحياة :

وبالنسبة لهبة حمادة حبيت زوارة خميس وام البنات وفضة قلبها ابيض لكن زوراة خميس عندي الافضل

وحياة الفهد الكاتبة الكبيره اعجبني مسلسلها الفرية والخراز هذا مسلسل واقعي جدا وقصته جميلة عن عقوق الوالدين ونتائجه وخطورة الامر .... ودمعة يتيم والجليب المسلسلين يتكلمون عن او يدور حول حياة الفهد في اغلب احداثه كأنه لا يوجد حوار الا عن البطله وهذا كان الحاصل وكان فقير في حواراته


حياة الفهد الجمهور ينصفها يكفي مسلسل الخراز وانشاء الله تنجح مسلسلاتها الجديده سواء كانت من كتاباتها او كتابات غيرها واكيد عندها اعمال كثيره من كتابتها اعمال جيده وناجحه ..... كل كاتب او كاتبه وله اسلوبه في الكتابه لكن الجمهور بشكل عام اكيد يحب الواقعيه والمصداقيه في الاعمال وانصاف الكل ويظهر الاشياء السلبيه لكن بصوره صحيحه ومتقنه وليس للاظهار فقط وكأن المسلسل فقط يركز على السلبيات ولازم يكون في انصاف وماكو عمل الا وله ولو قليل من السلبيات لكن على الاقل يبيض الوجه مايكون رقيق وسلبي جدا او تافه وسخيف لا وان يخلو من الاساءة لا سمح الله لشي معين اواشخاص وامور اخرى

ولكل مجتهد نصيب كاتب او فنان موهوب