يا اخواني ,, ويا اخوتي ,, يا جماعة ,, ياشعب 
شصار فيكم شاللي جرى !؟ 
الموضوع يتكلم عن المخرجمحمد القفاص , والمنتج والممثل نايف الراشد تدخلون في صلب المواضيع امور اخرى كطائفية , كسياسية , الى اخره 
ليش ؟
ترى عمرنا ماتعدونا بهالمنتدى الشامخ نتعامل بهالاسلوب وعمرنا ماتعودنا نرد بهالطريقة الشرسة , فعلا كنا ومازالنا نرد على الاخرين لكن بطريقة محترمة وسلسلة وجميلة وتبين مدى تربيتنه واحترامنة وعاداتنه وتقاليدنا اللي تربينا عليها من عبق الماضي والى امتداد الحاضر .. 
شي واحد لازم كلنا نتقيد فيه لما نقرا خبر او موضوع لازم نبعد كل البعد
عن هالجوانب السياسية و الطائفية نريد بعد كل هالجوانب من ردودنا
عشان نرتقي بمنتدانا و ما نوقع مثل وقعت باقي المنتديات اللي كانت
نهايتها بردود الله العالم فيها .. اما الان ندخل الان في الموضوع نفسه الواحد لما يقرا الموضوع واهو حتى ماله باع بالفن بصراحة ينكر
اللي سواه وقام فيه المخرج البحريني المبدع محمد القفاص ترى اهو
بالاول والاخير اهو ربان السفينه واهو اللي يحكم وساير كل الجوانب
وشي اكيد انه قبل ليوافق على اي عمل ان كان يجوف المنتج ويجوف
تعامله مع البقية يعني شي اكيد ان القفاص سال عن المنتج قبل
لايوافق على العمل معاه ولازم يكون اكثر صبر حتى لو كان المنتج
اللهم يا كافي دامه وافق لازم يتجمل كل شي وحتى لو كان صحيح
ان الممثلين خرجوا من العمل كان عنده مليون الف حل ان يحاول
يتفاهم مع المنتج ويوصلون لحل خلاص اهم بالاول والاخير انسحبوا
يزيد الطين بله و ينسحب اهو بعد هذا الغلط بعينه وعلمه .. كلنا
نعرف ان محمد القفاص مبدع بالاخراج و مثل مانعرف هالنقطة نعرف
ان محمد القفاص عصبي فلابد انه عصب وصار اللي صار بس لازم
يكون اكثر حياديه بهالموضوع لازم السالفه صارت مدري شلون ..! 
وبالنسبة للمنتج نايف اهو تصرف بعد غلط بحيث انه وضع نهاية
لكل هالشخصيات وممكن عرقل وغير بالنص ككل والمخرج ماعجباه
هالاسفاف بالعمل .. بس مهما يكون ارد واقول المخرج غلط مهما يكون مفروض ماينسحب
لوباقي واحد من الممثلين مفروض ماينسحب المخرج اهو القائد اللي
لازم يتصف بكل صفات الايجابية والقوة والقدرة على التحكم بالازمات
وضبط النفس ..
ردود كثيرة على الموضوع لم تعجبني وحسيت انا قاعدين بحرب واحنا
ماندري خصوصا رد اخوي الهوا هوانا ردك على صاحب الموضوع لم
تعجبني اطلاقا خصوصا لما قلت (وأقول ( للبحرينيين ) الذين يحملون بعضاً من الحقد على القفاص : لديكم فهد مندي مساعد المخرج، وهو أحد جماعتكم، استفسروا منه عن سبب الخلاف لعله يعطيكم جواباً بدل الثرثرة الزائدة التي لا تسمن ولا تغني من جوع)
ترى كلش كلامك غلط وموبمحله وياريت لو تثمن كلامك قبل لاتبتدي
وتطرحه ماكو احد حاقد على المخرج البحريني محمد القفاص واهو
على عينه وراسنه وهو واحد من اعمدة الفن البحريني ومبدع باخراجه
بعيد عن كل امور السياسية والطائفية , و شلون يعني واحد من جماعتكم ؟
ابي تفهمني هالجملة هذي لاني فعلا الظاهر اني مافهمتها !!
ناقد لازم يحترم ويمسك روحه ومايقول كلام اكبر منه عمرنا ماراح نرتقي
بهالاسلوب يا اخي الهوا هوانا كلنا اعيال قرية وكلن يعرف اخيه
ما قول الا الله يهداك ويطرح فيك البركة ويصلح بالك ..! و نتمنى نعرف الاسباب الحقيقية والمؤكدة لان فعلا كل هالكلام اللي قلنا
ماله معني لازم نعرف السبب الحقيقي المؤكد .. وبالنهاية اشكرك اخوي ولد البحرين على الجهود المبذولة في رقي المنتدى 
وحقك علي في اي رد طلع عن صلب الموضوع ونتمنى منك الرقي
والازدهار ووفقك الله للخير ..