حبيب قلبي اخوي العضو والناقد البحريني المتالق الهوا هوانا
شلونك انت بس .. شخبارك .. عساك بخير وبصحة وسلامة ..!؟
حبيت بس ابين لك جزئية صغيرة كبر النملة ان ترى ماله داعي
تعيد حوارك , وحديثك , ونظرتك المعتادة كلما رد عليك احد
و ترى والله ما عدنا بالابتدائي نحتاج تكرار الكلام للاستعياب
من المره الاولى اعتقد كافي لفهم كلامك , والتعمق فيه بعد ..
ماشاءالله عليك ماقصرت كل رد والثاني ترد وتعيد نفس الكلام
وكانه ماكو كلام الله هالكلام اللي نرد ونعيده حبيب القلب انت .
و اذا انت تنظر الى الاعضاء بنظرة ان محد يتسحق
انك ترد عليه اذا وجه الحديث اليك فالاعضاء ذاتهم
ينظرون لك مثل النظرة بحيث انك ماتستحق احد يرد عليك ومثل
مايقولون كما تدين تدان بحيث ماعلى راس اي احد فينا بطحه
يتحسس عليها مثل مايقولون اخوانا المصريين .
حبيب القلب لابد من تفعيل اسس الحوار وتبادل الفكر
والراي بين الاعضاء هذا واحد من بنود النجاح الفكري
للانسان وهذا الشي هو اللي راح
يولد لك الابداع اما تقول لي انا مارد على احد وجه لي الكلام
هذا دليل على انك اساسا موقادر تتبادل الاراء وتعرف الصح والخطا ..
بعدين تعال قولي باي حق تقول ان الردود التي جاءت من خلال
هذا الموضوع غالبيتها مجرد ( ثرثرة ) وكلام فاضٍ انت بهذه الطريقة
حصرت الاعضاء على نظرتك السلبية كل الردود بمختلف الاراء
كانت جيدة وجميلة ولكل واحد رايه وانا ما اسمح لك انك تتكلم
عن اي شخص بهذا المنتدى ان ثرثار حديثك هذا اللي ثرار عدم
احترام للغير ورد بطريقة تدل على شخصية غير قابله للنقاش ..
كان من المفترض انك تنتظر مي العيدان قبل لاتصرح بشي انت ايضا
مومتاكد منه ..
واذا كان الاخ ولد البحرين يقتبس الحديث اللي يلائمة ومايرد على
الباجي هم انت ماترد الا على الكلام اللي يعجبك ..
عجبتني يوم تقول انا ابتعد عن السياسة والطائفية ومادري وشو
تبتعد عن السياسية والطائفية وانت بردك السابق اللي لو اهو
قلم حبر جان ما نشف احين تقول سالوا اللي من جماعتكم
ابي اعرف شنو قصدك من جماعتكم غير انها امور طائفية
اخوي قناعك اللي لابسه ياريت تزيله باقرب وقت حديث ان كان
مايدل على طائفية ولكن العارف والفاهم يعرف مدى طائفية ردك
ماقول الا الله يهداك ويصلح بالك .. 
______________________