[بيت العائلة]

المشاركة الأصلية كتبت بواسطة jan6aa

يا جماعة الخير برنامج ساهر الليل ماهو الا عمل درامي بعيد كل البعد عن التوثيق .. و الكاتب حصر القصه بعائلتين فقط يعني عطاكم مثال على اللي صار بالاسر الكويتيه لان من غير المعقول بييب كل اسر الكويت و يحط كل قصصهم .. مع عدم اهماله للاسرى و ابطال القرين .

مثال بسيط على كلامي مسرحية سيف العرب في الفصل الاول ياب لنا مثال عن اسره كويتيه .. و الفصل الثاني مثال على السوق .. اشوف محد اعترض و محد قال انه المسرحيه كوميديه و انها تستهزأ و مشاهد الضحك فيها كثيره .. و المسرحيه عمل درامي و المسلسل عمل درامي .. يا جماعه لا اناقض روحنا .

و بعدين اللي يقول انه الكاتب ما عاش في فترة الغزو .. خل نفرض جدلا انه فعلا ما عاش فترة الغزو .. هل كل كاتب درامي ملزوم انه يعيش بنفس الحقبه اللي بيكتب عنها ؟؟ لو هالنظريه صحيحه جان ما طلعت لنا المسلسلات التاريخيه و الاسلاميه لان جميع كتابها ما عاشوا بهالفترات .

العمل الدرامي لازم يكون فيه جزء من الخيال مستحيل الواقع ينقل كله الى التلفزيون شي صعب و بنفس الوقت الواقع مؤلم و ان حصل فماراح يكون عمل درامي راح يكون عمل وثائقي .
العمل فيه بعض الاخطاء حاله حال اي عمل اخر .. لكن بالنهايه اقول انه (ناجح) لان لولا نجاحه ما حصل كل هالانتقاد و كل نسبة المتابعه .. مس مشاعر الكويتيين و عيالنا اللي ما لحقوا عالغزو شافو جزء بسيط منه .

هذا رايي و اتمنى محد يزعل مع فائق احترامي .

أؤيد كلامك وهو صح