[الأنين]

بالنسبة لانتقاد مي العيدان لميس كمر هي سلطت الضوء على تاريخها حتى بو عدنان ماله حق يجي يهزء ولا يمنع حد من النقد هي ماقالت ان ميس كمر اما بتنجح المسلسل او تخليه يفشل بس لانه مايتقبل النقد مو فاهم السالفة كل اللي كانت تبي توصل له سر التمسك بمشاركتها بالعمل ع الرغم ان ماله اي بصمة تذكر حتى بالمشاهد الكوميديه اللي مثلتها بالعراق كانت كلها تافهه بالاضافه

اما لقاء زهره عرفات ماشفته للحين بس ماشوف فيه مشكله لما يكون برنامج يعتمد ع الصراحه والفضفضه يعني كل برامج اللقاءات تمشي ع طريقة وحده شنو اول عمل وشنو اخر اعمالج ومنو الفنان اللي استفدتي منه ,,, برنامج هلا وغلا فيه فقرة الصور يا ما فتحت مواضيع سوء الفهم بين الفنانين وهذا اللي يصير مع اي استضافه ببرنامج مي
بالنسبة لبعض الاعمال اللي اطلقت عليهم كلمة الوقاحه شئ طبيعي زهره ماتقدر ترد عليها وتخرسها لانها فعلا وقحه ماجابت شئ جديد اعمال الثنائي الفردان والقفاص اللي كلها تعتمد ع بنات الليل والفساد ولا يملوا منها كل عمل ألعن من اللي قبله واخرهم المسلسل المقزز الحلال والحرام
شوية أمل فيه مشاهد غير لائقة والعمل ككل ماله داعي كون المشاركين بالاعمال ممثلين من الخليج مو معناه ان يحاكي الخليج ككل نظرة المخرج للي يقدر يأدي الدور بشكل حلو هي اللي تحكم بأي عمل
اللي تعرض له حسين المهدي في شوية امل ان واحد يسافر للخارج ويوصي صديقه ع مرته بدل اهله هذي مادري هو وين شافها محليا ولا خليجيا
الاشياء اللي تتجاوز الخطوط الحمرا لازم بتلاقي انتقاد ومو معناه ان زهره شاركت فيه يعني مارح نذكر لها الا هالتجربة السيئة له اعمال حلوة لكن الحق يقال ولازم تتقبل النقاش بمثل هالمواضيع

شكرا