[<~SPec!al laDY~>]

المشاركة الأصلية كتبت بواسطة __هولاكو__

سبيس ليدي كلامج كله صح بس بالاخير هذي وجهة نظر ولا اذا تبون الصراحه ليش ماتتكلمون عن الاعمال السعوديه مثل طاش ماطاش كان من احسن الاعمال الخليجيه وعرضت كل شي من الواقع ومحد ينكر هالشي ومع هذا كان العمل يعتمد على وايد فنانين مو سعوديين بالاخير العمل سعودي محد يقول عمل كله بدليات زهره مع احترامي لج هذي وجهة نظرج بس ياليت تعيدين النظر

فى اعمال كثيرة مميزه مو بس طاش ما طاش لكن لما نجمع
كل الاعمال و نسويلها احصاء مع منوا تميل الكفة ؟ الجمهور اهو
اللي يحكم و المجلات و القنوات تثبت بان الاعمال الكويتية اهي الاكثر
انتشار هذا ما يعني ان الاعمال الخليجية بشكل عام ماهي متابعه
لكن الافضلية للدراما الكويتية فى وقت العرض ،
و الخلاف بيني وبين زهرة اهو ان زهرة تشوف ان العمل لزم يكون كل
الكاست فى من جنسية وحدة يعني يابحريني خالص ولا كويتي خالص و
لا سعودي خالص عشان نقدر نقول ان هذا العمل عمل كويتي ولا بحريني
ولا سعودي عشان بعدها نقدر نحكم على العمل اذا كان جيد ولا مقبول ولا ممتاز
يعني من وجهة نظر زهرة اذا العمل السعودي نسبة العاملين فى من
السعوديين 30% راح يكون فاشل و اذا نسبة العاملين فى من السعودية
55% يكون جيد و اذا كان نسبة العاملين فى 100% سعوديين يكون
العمل ممتاز حتى لو ما كان متابع جماهرياً