 مسرحية سوبر ار
السلام عليكم ورحمة الله وبركاته
في هذا العيد في اكثر من 30 مسرحية لكن مايتميز الا قليل
مسرحية سوبر ار من بطولة : بثينه الرئيسي . مبارك المانع . محمد الحملي . مروى بن صغير . مشاري المجيبل + فرقة باك ستيج قروب الإستعراضيه
..
" تذكرون مسرحيات هدى حسين "
سوبر ار نفس مسرحيات هدى حسين . رساله توصل للطفل بشكل سهل أستعراض مبهر تمثيل اول مره اشوفه بمسرح طفل . أغاني جميله جدا
يعني مسرحيه كامله متكامله
قصة المسرحيه : الطالب راشد "سوبرار" شخصيته جدا ضعيفه وكله يطلع الأول واللي بالمدرسه كلهم يكرهونه لأنه ذكي
طبعا الطلاب كلهم حاقدين على رشود ف لمه يروح الأستاذ كلهم يطقونه . فيقعد بالصف بروحه وتطلع له نوته " مروىبن صغير" وتقول له انهم يحتاجونه في العالم الثاني ويروح وياها سوبر ار عشان يحارب ملكة العالم الثاني ام راسين " بثينه الرئيسي" ومساعدها العقرب "مبارك المانع " و " نوف سلطان"
وهكذا تبدأ الأحداث. ان شلون سوبر ار ضعيف الشخصيه يتحول الى بطل خارق
وأول مره أشوف مسرح بهالضخامه
بس في شي ضايقني بالمسرحيه كلام محمد الحملي غريب "رفيجاني" "طقاني" وهكذا.
بس اخر المسرحيه وصلت لي الرساله ووصلت لعيال خالي الصغار بشكل سهل
طبعا في سلبيات :
علىكثرالآحداث في الفصل الأول بس مافيه تشويق وماعجبني وقلت هذي المسرحيه فاشله
ولأن بالفصل الأول الصوت حيل عالي فما أقدر أفهم الكلام عدل
بس بالفصل الثاني صار الصوت واضح وزاد التشويق
طبعا انا كثرت بالكلام بس بإختصار
المسرحيه ذكرتني بمسرحيات هدى حسين بالرساله الهادفه وشلون ان حيل تتفاعل مع الشخصيات وتتأثر وهكذا
واستانست بالمسرحيه لأنها مو بس للطفل في جم مشهد موجه للكبار
والمسرحيه جميله وأنصحكم تروحون لها
وسلامتكم
|