[الجليب]

بما انك جبت طاري فجر السعيد مع احترامي وتقديري للاعلامية فجر السعيد وكتابتاها الرائعة لكن بالفترة الاخيرة كانت هي الدافع الرئيسي لتقديم وتشجيع هالنوعية من الاعمال القرقيعان وكثرتها وتشويه الدراما مو بس الكويتية بل الخليجية بشكل عام باختصار غيرت نكهة الفن الكويتي والجو العام وغيرت مسار الفن بغض النظر عن وجود اعمال جيده تفرض وجودها لكن حنا نتكلم عن الجو العام لنوعية المسلسلات اللي تقدم... خلونا نبدأ من ثمن عمري ودنيا القوي .. ثمن عمري ودنيا القوي اساتذه كبار للمسلسلات الجديدة اللي جنابكم تتحدثون عنها والكل يعرف ادوار كل ممثل والاحداث ووقصة هالمسلسلين لا وحياة وغانم مشاركين فيهم اللي قدموا لنا اروع الاعمال (الزمن الجميل) يعني لو حياة وغانم مو مشاركين يمكن شوي نبلع هالمسلسلين شوي مو وايد... ومع الاسف يوجد الكثير او البعض يعتبر هالمسلسلين بداية التطور للدراما الخليجية ؟؟!؟ من ناحية الجرأة هذا رأيهم ما نعترض عليه بس لا يجون يهاجمون المسلسلات الجديدة الللي من مدرسة هالمسلسلين وغيرهم .... في نظري ما يقدمه طارق العلي وغيره من الممثلين من تهريج بغض النظر عن مفرداته واسلوبه (طارق العلي) او اعمال سلق بيض مثل ما يقولون اهون بكثير من هالمسلسلات اللي تقدم على شاشة التلفاز في نظري انا ...طيب ... قارنوا بين جرح الزمن وثمن عمري فرق كبير ... جرح الزمن كان كوميدي درامي مكتوب بحرفية ....شوفو دارت الايام .... دارات الايام وجرح الزمن ودروب الشك اللي يشاهدهم ويشاهد دنيا القوي وثمن عمري .. اعتقد يقول ما اصدق انه كلهم تأليف فجر السعيد ... يمكن مؤلف ثاني مؤلف دنيا القوي وثمن عمري ...( يعني كأن واحد يقول عبدالحسين عبدالرضا كموهبة وتاريخ مستواه نفس مستوى طارق العلي والحقيقة تقول عكس ذلك او قاعد يتبع اسلوبه وبما يقدمه وبشكل مستمر بعد والكل يوافق هالكلام .)..