[جسووم]

مرحبا اخوي العندليب
اعذرني انا اختلف وياك بالراي ، لأن في فرق بين الحالة الفردية و الظاهره العامة
فخالتي قماشة كانت حالة فردية في مجتمع ما ، واللي كانت تسويه حالة فرد و مب كل المجتمع ماشي عليه ومحد سواه في المجتمع ، وبعدين مافي شي يدل طول المسلسل انها كانت تجسس عليهم في وضغ مخل اللاداب العامه ، كانت تجسس عليهم لجهل منها انها ممكن بهالطريقه تحافظ على عيالها وتمحو كل خطط حريم عيالها بأنهم يطلعونهم برع البيت وبفرقون بينها وبين عيالها .

( و الاهم)
(في خالتي قماشة انهم لما اكتشفوا انها تتجسس عليهم كلهم جلبو عليها يعني الموضوع مب عادي مثل ماقلت ، في نهاية المسلسل تم نبذ تصرف الام من قبل العايله والانصدام بما تقوم به وهذا يدل ان المجتمع الكويتي ينبذ مثل هذا التصرف حتى انها تخلت عن هذا التصرف ، وهذا دليل ان هالمسلسل ينبذ هذا التصرف )

اما عن مسلسلات الحين فهم يأتون بأمور وظواهر تكون عامه في المجتمع مثل اللبس الفاضح والضيق كأن هذا هو لبس اهل الكويت لأن المسلسل كامل يكون جذي وأمور اخرى انتم شايفينها .

(والاهم)

(ان في نهاية المسلسل مافيه اي نبذ من هالامور ، ولما اهل البنت في المسلسل يمسكونها انها تواعد شخص ويعاقبونها يطلعونهم بشكل ان هم ظلام و اشرار و المفروض مايوقفون في طريجها .. وكأن يقولون ان في الكويت المفروض عادي هالشي ولا عادات ولا تقاليد .. وحتى في مسلسل البنت سافرت وتزوجت من وراهم ويوم عاقبوها اهلها طلعوها مظلومه واهلها الظلام .. يعني المفروض هي راده يقدمون لها ورد ؟؟ ويحطون ورد في رقبة ريلها ؟؟ ولما طلقوها منه طلعوهم الظلام وغيره وغيره )

اتمنى ان وصلت الفكره ان هناك فرق بين الحالة الفردية و الظاهرة العامة في المجتمع