[ابو شعيب]

تم القبض على مبيريك في مثل هذا التاريخ في محطة بانزين خيطان وكنت انا ومجموعة من الشباب ماسكين مخفر خيطان ذلك الوقت كانت الاخبار تتناقل بسرعه مع عدم وجود وسائل الاتصال وكان بصراحه حالته تعبانه ويبكي على طول وهو داخل النظاره وبعدها بيوم زارنا في المخفر الفنان عبد الحسين عبد الرضا وقال لنا ابي اشوف صالح حمد وفعلا راح له بالنظاره وانا كنت معاه وساله سؤال انت صج متعاون معاهم ؟ قعد يبكي مبيريك ويقول انا والله ما [b]ضريت احد بس ولا سويت شي . رد عليه ابو عدنان وقاله اشلون مو مسوي شي والكل يتكلم عنك انك متعاون معاهم ويقولون انك استخبارات ! سكت مبيريك وصار يبكي ويقول انا مظلوم ساعدني يا ابو عدنان . در عليه ابو عدنان وقاله له ( اقولك شي هذي الديره ديره حق ومحد انظلم قبلك علشان انت تنظلم واذا انت بريئ راح يهدونك ويخلونك بس اذا انت خاين ومتعاون والله هالشباب راح يطلعون عينك. ويومها وراح بو عدنان ، وصلنا خبر انه تم القبض على زينب الضاحي وكانت مصابه ببطنها وانا شفتها شخصيا في مخفر القادسيه وحضرة تحقيقها .
وعلى فكره كان مع مبيريك في ذاك الوقت محبوس بالنظاره مطرب عراقي اسمه شاكر زويد هم كان متعاون والحمد لله ان الله سبحانه حفظ هالديره من كيد كل حاقد وخاين.