[عندليب الكويت]

سيناريو لمشهد من أحد المسلسلات:

تخرج الأم من غرفتها في البيت وتنزل على السلم إلى الدور الأرضي:

الأم: ميري .. ميري.. ميري .. وين راحت هالخبلة؟! ميري .. يا ميري..

(تخرج ميري من المطبخ مسرعة وتتجه إلى الأم):

ميري: نعم ماما..

الأم: عما بعينج.. وينج كل هالمدة؟! صارلي ساعة أناديج!

ميري: في مطبخ ماما..

الأم: شنو تسوين في المطبخ؟!

ميري: أنا يسوي غدا ماما..

الأم: وين بابا خالد؟!

ميري: طلع من صبح..

الأم: وليش طلع؟!

ميري: ما يعرف ماما !!

الأم: وين طلال؟!

ميري: ما يعرف ماما..

الأم: ليش ما تعرفين؟! لازم تعرفين!

ميري: مادري ماما.. هو طلع ما يقول وين روح؟!

الأم: وين مشاعل؟!

ميري: روح جامعة..

الأم: وليش راحت الجامعة؟!

ميري: ما عرف ماما..

الأم: أنتي شنو تعرفين؟! قاعدة في البيت مزهرية؟!

ميري: مادري ماما.. ما يعرف أنا..

الأم: انزين انزين.. يالله ذلفي روحي المطبخ.. الله ياخذج..