[الفن الجميل]

جنة هلي .... المسلسل هذا فيه عيوب كثيرة راح اتكلم الان عن جزئية الحب الي مو لايقة ... شي فضيع يعني نوف المضف حققت مشاهدة لمسلسل نوايا 1 و2 القصة أوكي كانت عائلية واجتماعية شدت الناس حق المتابعة بس يعيب المسلسل التمطيط وحشو الرومانسية بالقصة مثل قصة عارضة الأزياء القديرة "أمل" والمعشوق الابدي "حسين"، لكن هالمرة غيرتها بلمياء طارق شخصية "بريق" المتحررة التي تحب واحد فيه أطباع البدو شلون؟؟؟ هذاي تبي توضيح شلون الأهل حضر وهو بروحه اسمه "سطام" ويربي صقور يعني مسوي "بدوي" كلش مو لايق على حسين المهدي أولا إمكانية حسين ضعيفة واستهلاكه للأدوار الحب زودها صار "المعشوق" يعني حسين مو حلو عادي جدا وفيه احلى منه وايد اللهم طول اذا عالطول عبد الناصر دوريش اطول منه ... جنه ماكو غيره وهذا الموضوع راح ينعكس سلبا على حسين تكرار ادوار "حبني واحبك" راح يدمره والمشاهد راح يتملل منه قريبا واساسا مسلسلات الرومانسية تلتفظ انفاسها الاخيرة.. اما لمياء طارق زودتها بالاوفر والدلع الي مو راكب عليها كلش الدلع ماصخ شسالفة لمياء نست انها وصلت لسن ما ينفع فيه تقدم دور الجامعية المتحررة الي ما رشدت وكله هياتة وتدور قصة حب تعيشها ؟؟ إلى متى راح تشيل من بالها هالفكرة الان عمر لمياء (41) هل قدمن كبار الفنانات مثل (حياة - سعاد - مريم الصالح - هدى حسين ... الخ) نفس نوعية ادوار لمياء لم كانو بهالعمر صديقني يا لمياء مهمة سويت تجميل وغيرتي ما راح تكون روحج ولاشكلج حق بنت عمرها 18 او 20 حاولي تغيرين هالنمط الممل الي تقديمنها من سنة 97 جم مرة قدمتي دور الجامعية وكررتي الاداء اما بالنسبة الي مسويه دور امها بالمسلسل وهي اصغر منها بالحقيقة فلم ، اما فراق الطول بين حسين ولمياء فضيع جدا ومضحك بعض المشاهد جنها بنته ... يتابع