[زهرة البحرينية]

العمل بدون انتقادات وبدون مديح ينعرف مستواه
لو قارناه بغيره من الاعمال التي يضرب فيها المثل

سعاد مع احترامي لمستوى عقليتها (على قده) وعمرها ماقالت جملة مفيده
لو سالتها هل تتوقعين هذا العمل وصل لمستوى دارت الايام مثلاً ؟
اذا قالت اي مصيبة .. اذا قالت لا .. معناها تفهم

اذا سالنها هل هذا العمل ممكن يقدمون كـ نموذج يدرس في المعاهد الفنية التعليمية؟
ممكن يضرب فيه مثل كـ نص ؟ كإخراج ؟ كـ اداء ممثلين ؟

اذا قالت اي مصيبة .. اذا قالت لا معناتها تفهم

وعشان تثبت للكل ولنفسها انها تفهم لازم تكتشف بنفسها عوامل القوة والضعف

واذا كانت فنانة حقيقية بتقول بكل تواضع : العمل ما يرضي طموحي تمنيته افضل
تمنيته ما يقارن مع غيره في القوة ..

اذا كانت تكابر واهم شي ترضي المنتج والابطال عشان يتوسطون لها في الاعمال القادمة
بتقول ووواو العمل حلو والكل يمدح فيه وهالممثله تبجيني وانا اخاف يمه يمممه


الفنان الحقيقي ما يقول مثل هالكلام (كلام اليهال)
انتي المفروض تقولين حياة الفهد في نظري فنانة كبيرة واذا تمثل اتاثر فيها
لكن وقت التمثيل انسى ان هذه حياة الفهد واتعامل معاها كأنسانه عادية عشان اعيش الشخصية وعادي اطقها واذبحها في التمثيل وما اتعاطف معاها اذا كان الدور يتطلب


لكن اذا بتتكلمين وكأنج ممثلة مبتدئة .. اناا اخاف من هالممثل .. واشعر برهبه و ...

ما سمعنا عبد الحسين قال شعرت برهبه وانا امثل مع نجوم مصر الكبار

ما سمعنا حياة الفهد قالت عبد الحسين يخرعني واشعر برهبه امامه

هي ممثلة حالها حالج .. انسانه مثلها مثلج .. موهوبة مثلج بغض النظر عن المستويات والتاريخ
عشان تتقدمي وتتطوري مهم تقولين لنفسج قبل لا تقولين لغيرج ..

ممكن اوصل لمستوى حياة .. ممكن اتعداها .. كلنا بشر ومحد احسن من احد

الشاطر يستفيد من نجاحات غيره ويبدأ من حيث انتهوا

مو يبدأ من الصفر و يتراجع قبلهم ويحبط نفسه وينظر لزملائه من الاسفل
ويتعامل معاهم على اساس انهم كبار كالانبياء والمعصومين و ...


واقعا هي اذكى منج فقط وحصلت على دعم اكثر منج وقد تكون صاحبة قدرات اعلى فقط

بس ممكن تكوني افضل منها في اختياراتج للاعمال والادوار ..
ممكن تستفيدي من تكوين شخصيتها وتكون عندج مصداقية اعلى منها
ممكن ما تطبلين لها ولا لغيرها ترا حياة ذكية وتعرف ان هالكلام مصلحة و عشان ترضينها

كوني صاحبة مبدأ ولا تطيحين من حظ نفسج
احترام الكبار ضروري بس مو تقللين من نفسج من خلال هالتصاريح والتطبيل الي محد استفاد منه شي ولا الاجيال القادمة من الممثلين ممكن يتخذونج قدوة اذا هذا كلامج