[المناسب]

أختي الفاضلة .. كلامك كله صحيح وأنا ما كان قصدي المعنى اللي فهمتيه ، أنا كنت أقصد أن غالبية الناس صعب تتقبل تشوف شي لأول مرة وهو أصلا إنتاج قديم كان محجوب عن الجمهور لفترة طويلة ، ولاحظي أنا أقول غالبية الناس مو كلهم لأن أكو فئة محدودة من الناس اللي لها مزاج أنها تقرأ ما بين السطور في أي عمل فني وتعرف قيمة العمل المميز وأنه يصلح لكل زمان لكن الغالبية تفكيرهم سطحي وما لهم خلق يتعمقون في محتوى العمل الفني عشان يعرفون قيمته وارتباطه بالواقع اللي نعيشه ، وبعدين أنا ما قلت العمل راح يفشل لو عرضوه الحين أنا قلت ما راح يسبب ضجة كبيرة وأكو فرق كبير بين الفشل وبين أنه ما يسبب ضجة

على سبيل المثال مسرحية ( بودي جارد ) ظلت سنين طويلة محجوبة عن الفيديو وما طرحوها بالسوق والناس كانت متشوقة تشوفها ولما طرحوها للجمهور في وقت كورونا (أعتقد في منصة شاهد) كانت التعليقات في مواقع التواصل مأساوية والغالبية العظمى تقول مستواها زفت وسافل وزبالة وفساد و ..إلخ .. طبعا بسبب الفجوة الزمنية الكبيرة بين الوقت اللي انعرضت فيه ووقت طرحها ما كان الجمهور قادر يتقبلها .. لكن لو كانوا شايفينها على الفيديو في زمنها يمكن الغالبية راح تنسجم معاها وتتكيف مع طرحها مع مرور الوقت لكن سالفة أنك تحجب المسرحية سنين طويلة وبعدين تطرحها فجأة فهذا شي سلبي لأن ثقافة الناس تغيرت والشي اللي ينعرض في وقته راح تتقبله الناس على السجية (صفة فطرية في الإنسان) وهذا ينطبق على غالبية الناس لكن أكو فئة محدودة (وأنتي منهم طبعا) عندها مزاج أنها تتعمق في العمل الفني وتقرأ اللي بين السطور حتى لو كان قديم وايد حتى تحدد إذا كان العمل يستحق يصير خالد أو أن مكانه الصحيح هو المزبلة مثل مسرحية بودي جارد اللي فعلا أنا مقتنع بأن مكانها الصحيح هو المزبلة