[وارث الطيب]

المصدر - جريدة شمس

(لوعة العاشق)

قالوا لي العـــب قـــلت ما ني بــلاعوب
إلا مزوحٍ عند صافي الجبيني

الاعــبه و افـــرح إلى صرت مــــغــلوب
و اشوف و جهه لا غلبني يزيني

و اطرب على ضحكه و هو حيل طروب
و انادمه في لحظة أحلى سنيني

حبــيــبــي الـلي كــل ما فـــيه مـــحــبوب
ترخص له الدنيا و ما كان فيني

الــلي يجــيـني كــل ما غــاب لاهــــوب
أونس حرارة لاهبه في كنيني

و كني على غيره من الناس مغــصوب
و كن العمر ياقف بليا ظنيني

و اصـــــير بــين يديــن الأيام مقضـوب
و الليل يجلد بالسهر موق عيني

يضــحك بي الشامــت إذا قلت ما أتوب
و يحزن صديق العمر مما يجيني

ليتــه يغــطي لوعــة الــعاشـق الــثوب
و إلاعيوني ما تبيّن حنيني

و إن كان تــعذيب المــحبين مــكـــتوب
على عذاب الحب ربي يعيني