[بو دانيال]

المشاركة الأصلية كتبت بواسطة بنت عبدالحسين

هذا اصعب من امتحانات اخر السنه ..
الاسئله مو طبيعية واايد حلوة ..
وحتى اسئله عيون خلي خفيفة وحلوة ..

يالله يا كول حل الامتحان ..

لكن قبل لا تحل الامتحان العود .. في امتحان قصير مني

يا حبكم للمتحانات

س1- ما هي حكمتك في الحياة ؟

لسانك حصانك أن صنته صانك ..

س2- اذكر لنا موقف محرج او مضحك من ايام الدراسه ؟

هههه مواقف كثيرة مضحكة ..

منها ..

أيام المرحلة الأعدادية ..

كنت في أول أعدادي ..

في يوم من الأيام غاب مدرس الأجتماعيات ..

جا لنا مدرس ثاني يحل محل ..

طبعاً أنا كنت عارف أن مدرس الأجتماعيات غايب ..

فقلت لطلاب صفنا لمو كل الطاولات وخلوهم يم بعض

صار الصف كل طاولاته على جهة اليمين وكلنا صوب بعض

ونا قاعد في الوسط وحولي الطلاب اللي انا معاهم كلوز

مضبط روحي يعني ههه

دخل الأستاذ اللي بحل محل أستاذنا اللي غاب ..

أول ما دخل ضحكت أنا ههه

لأني أعرفه درسني من قبل طلعت له قرون في راسه

أولاً شكله بحد ذاته كان يضحكني

الشعر أسبايكي أوتمتيك صاير

خب قبل ما كان في شي معروف بسبايكي

هالأستاذ الأسبايكي منه وفيها من الأصل

والدبه نازله على خصره أشوي

ولابس البنطلون مرفوع من ورى منزل من جدام

تحت الدبه هههه والدبه يعني تطل من فوق حزام البنطلون

يعني شكله بحد ذاته كركاتير

المهم دخل الصف إلا يسوي من سمح لكم تتعبثون في أثاث الصف ؟

أهوى قال أثاث الصف مني وبطني شير ضحك مني هههه

إلا يسوي لي أكيد أنت اللي حادهم قوم تعال قوم تعال قوم

قمت له إلا يسوي لي أفتح يدك فتحت يدي ونا كاتم الضحكة

وطقني وذي المدرس اذا يطق لازم ياخذ نفس عميق وطق ههه

كل طقه وياها نفس عميق واذا ياخذ نفس عميق خشمه ينكمش

ومن اشوفه ويها ما أقدر أستحمل غصباً عني أضحك ..

وتم يطقني بالهوز اللي عنده وكان الهوز خفيف ما يألم عدل

وأنا كل ما يطق وشوف شكله وحركاته أموت ضحك

أهوى يطق وأنا اضحك

والصف يضحكون كلهم

خلاص فقد أعصابه

إلا يسوي بررررررررررررى أطلع بررررررررررررى

وطلعت برى الصف وأنا اضحك ..

رحت من شباك الصف ( الدريشة )

بس وقفت في الدريشة الصف الطلاب كلهم ماتو ضحك

أنقهر حد حده المدرس

وطلع من الصف وتم يركض وراي في الممر

صار فيلم هندي هههههه

يسوي لي أوقف أقول لك .. وأنا أبد مشغل التيربو 1000

وبعدين رجع الصف يزخ عرق ويوم خلصت الحصة راح أشتك علي

عند المشرف وكان المشرف وقتها أوكي معاي عدل

عطاني محاضرة خفيفه بس وأنتهت السالفة


طولت لاااا



بسسسس ولي عودة .. << بنششششف ريجك يا كوووول ..
زهب تنكر ماي يمك

تحياتي

سعدتُ كثيراً .. بمروركِ الجميل ومشاركتكِ المميزة

تسلم يدكِ على السؤالين الحلوين ..

نور الموضوع تواجدكِ ..

ثانكس ..